لە ئەفریقای باشوور ٧ گومانلێکراو بە زیندوویی سوتێنران
لە یەکێک لە ناوچە پڕ توندوتیژییەکانی ئەفریقای باشوور، کۆمەڵێک خەڵک ٧ گومانلێکراویان بەستۆتەوە و بە زیندوویی سوتاندوویانن.
پۆلیس و دانیشتووانی ناوچەکە ڕایانگەیاند، ، کۆمەڵێک خەڵک ٧ گومانلێکراویان بەستۆتەوە و بە زیندوویی سوتاندوویانن.
وتەبێژی پۆلیس، ماڤێلا مۆسۆندۆ گوتی: "لێکۆڵینەوە سەرەتاییەکان دەریدەخەن، کۆمەڵێک خەڵک هێرشیان کردۆتە سەر گومانلێکراوەکان و سوتاندوویانن. پۆلیس ڕەوانەی شوێنی ڕووداوەکە کراوە".
بەپێی زانیارییەکان، پێش کوشتنیان، قوربانییەکان بەستراونەتەوە.
لەم وڵاتەی کە دانیشتووانەکەی نزیکەی ٦٠ ملیۆنە، لە چارەکی دووەمی ساڵی ٢٠٢٣ دا، ڕۆژانە نزیکەی ٦٨ تاوان ئەنجامدراوە و ژمارەکە بەگوێرەی ساڵی ٢٠١٩ نزیکەی ٢٠٪ زیادی کردووە.
