لە ئەوروپا بۆ ئەوەی ڤاکسینی کۆڤید١٩ بە شێوەیەکی بێبەرانبەر و بۆ هەموو مرۆڤایەتی بەکاربهێنرێت، کەمپینێک راگەیەنرا. ئامانجی کەمپینەکە ئەوە کە تا ساڵی ٢٠٢١ یەک ملیۆن ئیمزا کۆبکرێتەوە.
بۆ ئەوەی ڤاکسینی کۆڤید١٩ بە شێوەیەکی بێبەرانبەر و بۆ هەموو مرۆڤایەتی بەکاربهێنرێت، ١٠ بزوتنەوەی جەماوەری ئەوروپا دەستیان بە کەمپینێک کرد.
لە فەرنساش کۆمیتەیەک کە لە دەیان کۆمەڵە و سەندیکا و پارت پێکدێت، پشتگیری لە کەمپینەکە کرد. لەناو ئەو لایەنانەدا People Health Movement, Oxfam و پارتی کۆمۆنیستی فەڕەنسا و چەیی ڕادیکاڵ هەن.
کۆمیتەی ئامادەکاری کەمپینەکە راگەیەنراوێکی بڵاوکردەوە و وتی، "پێویستە ڤاکسینەکە ببێتە موڵکی هاوبەشی هەموو مرۆڤایەتی، چونکە بە گشتی بە پارەی جەماوەر دروستکراوە و بۆیەش دەبێت لە خزمەتی هاوڵاتیاندا بێت."
هەروەها ئاماژەی بەوەکرد کە پێویستە مافی چارەسەری و تێستکردن بۆ هەموو مرۆڤێک مسۆگەربکرێت.
ف.ق
