ڕێپێوانی درێژمەودا کە بۆ ئازادی ڕێبەری گەلی کورد عەبدوڵا ئۆجالان دەستی پێکردووە لە شاری ئەسەن بەردەوام بوو. گەنجانی کورد و ئینترناسیۆنالیستەکان لە گۆڕەپانی هیرشلاندپلاتز کۆبوونەوە و نزیکەی ١٧کیلۆمەتر ڕێپێوانیان کرد.

چالاکییەکەی گەنجان سەرەڕای گەمارۆدانی پۆلیس بە بڕیار و ئیرادەی بەرزەوە بەردەوام بوو.

لە کاتی ڕێپێوانەکەدا گەنجان بەبەردەوامی بڵاوکراوەکانیان بە زمانی ئەڵمانی خوێندەوە و گۆشەگیریی ئیمرالی-یان بۆ دەوروبەر ڕوون کردەوە.

لە میانەی ڕێپێوانەکەدا دروشمی "بژی سەرۆک ئاپۆ " بەبەردەوامی لە شەقامەکانی ئەسەن وترانەوە.

جێی ئاماژەیە ڕێپێوانی گەنجان سبەینێ لە دویسبورگ کۆتایی پێدێت.