ڕێپێوانەکە بە درووشمی "ئازادی بۆ ئۆجالان، چارەسەری بۆ پرسی کورد" لە شاری هیلبرۆنی ئەڵمانیا دەسی پێکرد و تا شاری ستراسبۆرگی فەرەنسا بەردەوام دەبێت. گەنجانی کوردستانی و ئەنتەرناسیۆنالیستان بەشداری ڕێپێوانەکە دەبن و شار بە شار بەرفراوانتر دەبێت.

بەرنامەی ڕێپێوانەکە بەم جۆرەیە:

١٠ی شوبات ڕۆژی یەک شەممە چالاکوانان لە ناوەندی هیلبرۆن گردبوونەوە و دوای خوێندنەوەی ڕاگەیاندراوێک بۆ ڕاگەیاندنەکان، بەرەبەیانی ئەمڕۆ ڕێپێوانەکە دەسیپێکرد.لە بەشی یەکەمی ڕێپێوانەکەدا لە هیلبرۆنەوە تا لودوگسبورگ، مەودای ١٦ کیلۆمەتر ئەنجام دەدرێت. لە تەواوی ڕێپێوانەکەدا لە شارە جیاوازەکاندا سیمینار، مەراسمی یادکرنەوە و بەرنامەی گفتوگۆکردن ئەنجام دەدرێت.
- ١١ی شوبات: ١٧ کم بە پێ لە لودویگسبورگەوە بۆ شتوتگارت. شەوەکەی؛ یادکردنەوەی شەهیدان.

- ١٢ی شوبات: ٢١ کم بە پێ لە شتوتگارتەوە بۆ بۆبلینگەن و سیمیناری زایندەیی کۆمەڵایەتی.

- ١٣ی شوبات: ڕێپێوانی ١٩ کم و سیمیناری خەباتی نێونەتەوەیی لە ئۆفێنبۆرگەوە تا لاهر.

- ١٤ی شوبات: ٨ کم بە پێ لە فرایبۆرگ و بەرنامەی 'خوێندنەوەی ڕێبەرێتی'

- ١٥ی شوبات: گەیشتن بە ستراسبۆرگ و کۆبوونەوەی ناوەندی.

خواستی ئازادی بۆ ڕێبەر ئاپۆ

لە تەواوی ڕێپێوانەکەدا ڕاگەیاندرا ڕێبەر ئاپۆ لە سالی ١٩٩٩ەوە لە ژێر هەلومەرجی سەختی گۆشەگیرییدا ڕاگیراوە و  بۆ چارەسەری دیموکراتیکی پرسی کودد بانگەوازی دەکرێت.

چالاکوانان لە ستراسبۆرگ بانگەوازی لە دامەزراوەکانی ئەورووپا دەکەن کۆتایی بە بێدەنگییان بهێنن و سەرنج بخەنەسەر خواستەکانی گەلی کورد.