لە ناوچەی فرۆگنیری ئۆسلۆی پایتەختی نەرویژ بە بۆنەی ساڵوەگەڕی ٢٥ ساڵەی دامەزراندی کۆنگرەی نەتەوەی کوردستان (کەنەکە) چالاکیە-ئاهەنگێکی پێشوازیکردن بەڕێوەچوو.

پێشوازیکردنەکە لە لایەن نوێنەری کەنەکە لە نەرویژ پێکهێنرا. ژمارەیەکی زۆر لە کوردستانیان و دۆستانی کورد ئامادەی پێشوازیکردنەکە بوون.

دەستپێکی پێشوازیکردنەکە بە خولەکێک ڕێزگرتن بۆ شەهیدانی ئازادی دەستیپێکرد. دواتر وتەی دەستپێکردن پێشکەشکرا. نوێنەری کەنەکەی نەرویژ سەعید ساناداچ مێڤان خێرهاتنی هەموانیکرد و بە کورتی باسی لە کار و خەباتی کەنەکە کرد.

دواتر لەبارەی کار و خەباتی کەنەکەوە بەڵگە فیلمێک نمایشکرا.

دوای خوێندنەوەی پەیام و پیرۆزباییەکانی پارت و لایەنە سیاسیە کوردستانییەکان بۆ یادی دامەزراندی کەنەکە، پێشوازیکردنە بە گۆرانییەکانی هونەرمەند تیرێژ ئورمیە و وڵات کۆبانێ بە کۆتاهات.