جۆزێف بۆریڵ کۆمسیاری یەکێتی ئەوروپا بۆ سیاسەتی دەرەوە و ئەمنی راگەیەنراوێکی بڵاوکردەوە و بانگەشەی ئەوەی کرد کە روسیا ١٥٠ هەزار سەربازی لەسەر سنوری ئوکراینا جێگیر کردووە. بۆریڵ سەرچاوەکەی ئاشکرا نەکرد و رایگەیاند، جموجووڵی سەربازی جێگەی نیگەرانی ئەوانە.

بەڵام جارێکیتر راگەیەنراویکی دیکەی بڵاوکردەوە و لە راگەیەنراوەکەدا ژمارەی سەربازانی رووسی لە سەر سنوری ئۆکراینا بە ١٠٠ هەزار سەرباز لەقەڵەمدا. هەروەها باسی ئەوەی نەکرد، بۆچی ژمارەیان گۆڕیوە و سەرچاوەکەیان کێ و چ لایەنەک بووە.

بۆریڵ لە راگەیەنراوەکەدا بانگەوازی ئاڕاستەی رووسیا کرد و داوای کرد کۆتایی بە جمووجوڵ و کۆکردنەوەی سەرباز بهێنێت و فشارەکان کەمبکاتەوە.

ئوکراینا کە هەرێمی قورم و بەشێک لە ویلایەتەکانی رۆژهەڵاتی بۆ رووسیا چۆڵ کرد، لەم هەفتەیەی کۆتاییدا لەگەڵ مۆسکۆ پەیوەندیەکانی ئاڵۆزتر بووە. حکومەتی کیڤ دەڵێت، رووسیا بەدوای بیانوویەک دەگەڕێت کە هێرش بکاتە سەر وڵاتەکەیان.

ف.ق