وەزارەتوو دلېینەو تایوانی جە ئەرەیاۋناکەیشەنە ئاماژەش پانەی کەرڎەن، "جە بەینوو ١٧ و ١٨ ئەیلولینە وەزارەتوو دلېینەی بە گرڎیی تېبینی ١٠٣ۍ تەیارا چینیش دۊرووبەروو دورگەکەیشارە کەرڎەن".

وەزارەتەکە ئەرەیاۋناش کە ئا ژمارە جە ماوەکا ۋیەرڎەینە" تۊمارکەرڎەی ژمارېوە پېوانەین"، جە هەمان وەختەنە ئانەیچش وستەن ڕووە کە ئا جمووجوڵە سەروازیەو چینی مەنتیقەکەنە ڕا ۋەردەموو قۊرتەی گۊرۍ ئەمنیېنە کەرۊوە.

حکومەتوو تایوانی داواش جە پەکینی کەرڎ کە،" دەموودەس ئا کرڎەوە ویرانکەرە تاکلایەناشە مردنۊ".

بەپاو ئەرەیاۋناکەو وەزارەتوو ۋەرگیری تایوانی، جە بەینوو ٤شەممە و ٥شەممەی وەلینیچەنە ٦٨ تەیارۍ و ١٠ پاپۊڕۍ سەروازیۍ چینی جە نزیک و دورگەکەیشانە ۋینیېنۍ.

چین دورگەو تایوانی پېسە پارېزگېوە ۋېش منیۊرە و ۋەردەوام واوەیش کەرۊوە کە ئەگەر پەنەوازکەرۆ ئا دورگەیە وزۊ سەروو خاکوو ۋڵاتەکەیش.