جە بەردەوامی ئۆپەراسیۆنو قڕکەردەی سیاسی و کودەتا سەرو شەرعیەتیەرە، سەرسەبای ئارۆی جە شارو ئامەد-ی، هێزە ئەمنیێ و کودەتاکارەکێ ڕژێمەکەو (ئاکەپە/ مەهەپە)ی هۆرشانکوان سەرو یانا و نویسەنگێ ژمارێوی فرێ جە پارێزەرانی. 
ئۆپەراسیۆنەکە جە چوارچوەو ونەکۆڵای جە کۆنگرەو گلێرگەو دیمۆکراتیک (کەجەدە)ی ئەنجام دریان و جەمیانشەنە ١٧ پارێزەرێ دەستگیرێ کریێن کە  بنیامین شەکەر، هامسەرۆکو کۆمەڵەو مافناسان پەی ئازادی (ئۆهەدە - OHD) یۆشانە.

نامێ ١٧ پارێزەرە دەستگیرکریاکێ بە ئی جۆرەنێ: "بنیامین شەکەر، عەبدولقادر گیولەچ، ئەسهات ئاکتاچ، سەردار تالای، ئیمران گۆکدەرە، دیار چەتەدر، سەردای ئۆزەر، فەریدە لاچین، گەڤرییە ئاتلی، رەسول تامور، جەمیلە تورهانلی بالساک، ئەحمەد کالپاک، دەڤریم بارش باران، نەشەت گیراسن، سەدات ئایدن، شڤان جەمیل ئۆزەن و هاکناز ساداک".

زانیان، کە هەر ١٧ پارێزەرە دەستگیرکریاکێ بریێنێ ڕاوەبەری پۆلیسی و بڕیارەن بدریانێ دماتەر ڕەوانێ دادگای بکریانێ.

هامکات هەر جە ئامەد و جە چوارچوەو هەمان ئۆپەراسیۆنیەنە،  هێزەکێ ڕژێمی هۆرشانکوان سەرو یانەو رۆزا مەتینا، ژەنە ڕۆچنامەوانە و سەرنویسەرو ئاژانسو  ژن نیوزی جە ئامەد و دەستگیرەشان کەردێنە و ئاڎێچشان بەردێنە ڕاوەبەری پۆلیسی
جە لایێ تەرەوە، هەر جە ئامەد، دادوەری گردیی ڕژێمە ئەرەگێزەکەو تورکیای پەی ١٠١ کەسان کە جە چوارچوەو دۆسیەو کۆنگرەو گلێرگەو دیمۆکراتیک (کەجەدە)ینە دەستگیرێ کریێنێ،  بڕیارو زیندانۍکەردەیش دا کە جە میانشانە دەیان سیاسەتمەدارێ، ١٩ پارێزەرێ، دەیان چالاکوانێ سیاسیێ و مەدەنێ و چەنڎین ڕۆچنامەوانێ و چەنڎین مافشانسێ نامیێ کوردستانی هەنێ. 

نامێ بەشێو جە ١٠١ کەسەکەی کە بڕیارو زیندانۍکەردەیشان دریان بە ئی جۆرەنێ:

بنیامین شەکەر، هامسەرۆکو کۆمەڵەو مافناسان پەی ئازادی (ئۆهەدە - OHD)، عەبدولقادر گیولەچ، ئەسهات ئاکتاچ، سەردار تالای، ئیمران گۆکدەرە، دیار چەتەدیر، سەردار ئۆزەر، فەریدە لاچین، گەڤرییە ئاتلی، رەسول تامور، جەمیلە تورهالی بالساک، ئەحمەد کالاپاک، دەڤریم بارش باران، نەشەت گیراسون، سەدات ئایدن، شڤان جەمیل ئۆزەن، سەرۆکو ڕێکوزیاو ئیهادەی جە سەمسوور، پارێزەر بولەند تەمەل، مەعسوم باتی، ڕاوەەبەر فدراسیۆنو (مەد توهاد فەد - MED TUHAD-FED)ی، دیاری دیلەک ئۆزەر، ئەندام جە هەمان فدراسیۆنەنە، فیدراسیۆنەکە، لەیلا ئایزا، ئەندامەو ڕاوەبەری یەکێتیی پزیشکانو تورکیای (تەتەبە - TTB)، شێخموس گۆکئاڵپ، ئەندام جە ڕێکوزیاو دیڤەس (DÎVES)ی، سولەیمان ئۆکور، ئەندام جە ئەنجوومەنو شارەوانیی باغلار/ ئامەد، پانایر چەلیک، هامسەرۆکو وەڵێنو ڕێکوزیاو گۆچ – دەر (GOÇ-DER)ی جە ئامەد، یڵماز کان، ڕاوەبەرو وەڵینو  هەدەپەی جە ئامەد، ئلهامی یورەک، ئەندامە جە سەندیکاو (SES)ی، ئومید چەتینەر، ئەندامو هابەر – سەن (HABER-SEN)ی،  محەمەد کاچار، شارەزا جە پلانسازی شاری، هاکاناز ساداک، سەرنویسەرو ئاژانسو ژن نیوز، رۆز مەتینا".