٣ شارانە پەی ئازاڎیی عەبدوڵا ئۆجالانی چالاکی کریا
جوانۍ دێرەزور، رەقا و منبج-ەنە مجیێرە مېڎانەکا، قەڎەغەو دیڎاریشا چنی رابەروو گەلو کوردی شەرمەزار کەرد و ئەرەیاۋناشا، "تا مسۆگەرکەردەی ئازاڎیی رابەرایەتی بەردەوام مېڎانەکانە بیمۍ".
شارەکاو سەرنیشتوو ۋەرکەوتوو سوریاینە بە سەرمەشقایەتی جوانا شۆڕشگێڵنی و یۆبیەی جوانە ژەنا گۆشەگیری سەروو رابەروو گەلو کوردی عەبدوڵا ئۆجالانی شەرمەزارکریا.
دێرەزور
ڕاپیمای بە شۊڵەچراوە جە هەرێموو سەبا کیلۆی بە بەشداری دەیان نوێنەرا یۆبیەی جوانە ژەنا و جمیەروو جوانا شۆڕشگێڵنی سوریای سازکریا. ڕاپیماکەی ۋەروودەم و خەسەخانەو شارەکەینە دەسشپنەکەرد و بەرەو چوارڕاو مەعامیلی کەوتۍ ڕا. چا ئەنڎام و جمیەروو جوانا شۆڕشگێڵنی سوریای جە کانتۆن و دێرەزوری رەودە ئەلحسێن بەنامۍ بەشداربیاوە ئەرەیاۋنێوەش ۋەناوە.
جە ئەرەیاۋناکەینە گۆشەگیری سەروو رابەروو گەلو کوردی عەبدوڵا ئۆجالانی شەرمەزارکریا و قەولوو درێژەدای بە کۊشیای و مدرامانی پەی ئازاڎیی جەستەیی عەبدوڵا ئۆجالانی، ماڕای فاشیزمی و بنیاڎنیای گلێرگێوە دیموکراتیکی بە پاو ئەندێشەکا رابەروو گەلو کوردی عەبدوڵا ئۆجالانی ئەرەیاۋییا.
رەقا
ڕاپیمای جە مێڎانوو ئێر کوشنایۆ رەقای تا ناوەنڎو جوانا بەردەوام بۍ، چا بە نامۍ جوانا شۆڕشگێڵنیۆ هامسەرۆکوو جمیەروو جوانا شۆڕشگێڵنی سوریای جە رەقا لوتفیە ئەلحەسەن قسێش کەردۍ.
جە قسەکاشەنە ئەرەیاۋناش: "ئێمە پېسە جمیەروو جوانا شۆڕشگێڵنی و یۆبیەی جوانە ژەنا جە رەقانە قەول بە رابەر عەبدوڵا ئۆجالانی و تەماموو گەلا هەرێمەکەی مڎەیمۍ کە تا مسۆگەرکەردەی ئازاڎیی جەستەیی رابەریما و یاونای ئەندێشە ئازاڎیوازەکاش بە توماموو گەلا، مەمردمۍ".
منبج
جمیەروو جوانا شۆڕشگێڵنی سوریای جە کانتۆن و منبجینە ڕاپیمایێشا بە شۊڵەچراویۆ سازکەرد. جە ڕاپیماکەینە ئەنداماو جمیەروو جوانا شۆڕشگێڵنی سوریای، پارتە سیاسیەکۍ، ئەنجومەنە مەدەنیەکۍ، ۋێڕاوەبەری جە کانتۆنوو منبجی، دەسەو گەنجا و وەرز و حەرپاسە ئەرەنیشتا بەشدارێبیۍ.
ڕاپیماکەی ۋەروودەم و خەسەخانەو فراتینە دەسشپنەکەرد و بەرەو مېڎانوو سەبا بەحراتی کەوتۍ ڕا، چا هامسەرۆکوو جمیەروو جوانا شۆڕشگێڵنی جە کانتۆنەکەنە حسێن بەگاری واتش، "ئارۆ ئەرەنیشتا کانتۆن و منبجی جە ۋەرا ۋەروو کردەوەکانە دژ بە رابەرو گەلا ئازاڎیی رابەر عەبدوڵا ئۆجالان هورئێستێنۍ سەرو پەیا. ئەندێشەکاو رابەرایەتی ئێمەشا جە تیرۆری، دەسەڵاتداری و سەرمایەداری رزگارکەرد. ئێمە سزاکاو دەوڵەتوو تورکی ئەرەگیری دژوو رابەر عەبدووڵا ئۆجالانی شەرمەزار مکەرمۍ".
بەگاری پی جۆرە بەردەوام بۍ: "بە کۊشیای و مدرامانما دیوارو ئیمراڵی وڕنمۍ. بە ئەندێشەو رابەر عەبدووڵا ئۆجالانی ئێمە ئازاڎیی جەستەیی ئاڎیی پێکمارمۍ و ۋێما پەیش بەخت کەرمۍ".
