شارو دراگویگنان و فەرەنساینە جە دژوو سیستەمو قڕکەردەی ئیمراڵی بە سەرمەشقایەتی جوانا کورڎەسانی جە فەرەنسا (جەکە-فە) ڕاپیمایۍ لواڕاوە. جە چالاکیەکەنە هرووژمە ئەرەگیریەکۍ دۆڵەتو تورکی پەی سەرو پانیشتوو کورڎەسانی و هێڵۆو خیانەتوو پەدەکەی شەرمەزارۍ کریۍ.

چالاکیەکە ۋەردەم و پۆستەو دراگویگنانیۆ دەسشپنەکەرڎ و تا بیناو پارێزگاو شارەکەی بەردەوام بۍ، لافیتەو "وەسێن ئەرەگیری تورکی"، "ئازاڎیی پەی عەبدوڵا ئۆجالانی" و بە بە رزکەرڎەیۆ ۋێنەو ڕابەرو گەلوو کورڎی عەبدوڵا ئۆجالانیۆ بەردەوام بۍ، بە دەنگی بەرز درووشمەو "ئازاڎیی پەی عەبدوڵا ئۆجالانی" وچیاوە.

جە چالاکیەکەنە دەیەقێوە ڕێزگێرتەی پەی گەشمەرڎا ڕاو ئەرەکۊشای ئازاڎیی ئەنجامدریا و دماتەر ئەرەیاۋنێوە ۋنیاوە.

جە ئەرەیاۋناکەنە بەنامۍ  (جەکە-فەرەنسا)یۆ شاهین وان واتش: "تا ئازاڎبیەی ڕابەر ئاپۆی پېسە جوانا ئۆروپای جە ئەرەکۊشایما بەردەوامۍ بیمۍ."

هەر جە قسەکاشەنە شاهین ئاماژەش بە ئەرەگیریەکا دۆڵەتو تورکی ئەرەگیری پەی سەرو خاکو پانیشتوو کورڎەسانی کەرڎ و داواش جە گەلوو پانیشتی کەرڎ کە دژوو ئەرەگیریەکا هەڵوێس برمانا.

جە دمادماینە ڕۆنامەوان شاهین وان هەردووە ڕۆنامەوانۍ ئەرەیاۋنای ئازاڎیی، گوڵستان تارا و هێرۆ بەهادینش یاڎۍ کەرڎۍ و واتش: "بە کۆششا بیۍ بە شۆڵەچراوەو ئازایەتی و مڎرامانی و تاریکیشا ڕەمناوە."

دماو ۋەنایۆی ئەرەیاۋناکەی، ڕاپیماکەی بە واتەیۆ درووشمەکا "بژیۋۆ سەرۆک ئاپۆ" و "گەشمەرڎۍ نمەمرا" دمایش پنە ئاما.