ڕاوەبەراو کانتۆنو منبجی ئەرەیاۋناکاو دۆڵەتو تورکیای جە بارەو ئانەی گوایە 'شارەکە چۆڵ کریان' بە دروۍ وستۆ و ئەرەیاۋناشا، تا دما نەفەس پارێزگاری جە منبجی مکەرا.
ئەنجومەنو سەروازی منبجی جوابی تنو هرووژمو چەتەکا بەنامۍ سوپاو نەتەوەیی سوریا (سمۆ)ی سەر بە دۆڵەتو تورکیش داوە. جە هێڵۊو منبج حەڵەبی و منبج-بابینە جەنگێوە دژوار ئینا ئارانە. ناوچەکە بە چەکی قورس بۆمبۋاران مکریۆ.
هەوڵو گروپەکا بەنامۍ سوپاو نەتەوەیی سوریا (سمۆ)ی جە بەرەکا سەرنیشت، ۋەرنیشت و پانیشتی پەی دزەکەردەی پەی دلۍ شارەکەی یۆ شۊنەو یۆیرە مەڕیانە. ئیدارەو کانتۆنو ۋێڕاوەبەری دیموکراتیکی منبجیچ ۋەرپەرچو دەنگۆ و چەواشەکارییەکا ڕوانی ۋېیەردەیش پێوەس بە شارەکەی داوە.
جە ڕاوەبەرا کانتۆنو منبجی ئەبو شێخۆ محمەد و خالید بەکرۆ باسشا چانەی کەرڎ کە سەرو شارەکەی جەنگێوە تایبەت ڕاوەبەر مکریۆ و چا بارۆ قسێشا پەی ئاژانسو هەواڵو فوراتی کەردۍ.
هەردووە کاربەدەسەکۍ ئیدارەو منبجی بانگەشەکۍ چۆڵکەردەی شارەکەیشا بە جەنگی تایبەتی دۆڵەتو تورکی بە نامۍ کەردۍ و جەختشا کەردۆ کە گەلاو منبجی جە لێوە ژیۋای پێوەرەیی بنیاڎ منیا، جە لێوەتەرۊ جە ۋەرا ۋەرو جەنگی و هرووژمەکانە ۋێڕاگری مکەرا.
