ڕێکوستەی ئامەدوو دەم پارتی پێوەس بە ١ وئەیلوولی 'ڕۆو ئاشتیی جیهانی' بیناو ڕێکوستەینە ئەرەیاوناێوەشا وەڵا کەردۆ، ئەرەیاونایەکەینە هەر یۆ جە هامسەرۆکاو ئامەدوو دەم پارتی گوڵشەن ئۆزەرە و عەباس شاهین، پەرلەمانتاراو ئامەدوو دەم پارتی عەدالەت کایا و سەڤیلا چەلەنک ئامادێ بێنێ.

هامسەرۆکوو ئامەدوو دەم پارتی عەباس شاهین قسێش کەردێ و سەرنجەشوستە سەروو جەنگوو کوردسانی و واتش:" پەنەوازیی گەورەو ئی وەڵاتەی ئاشتییا نەک جەنگ. پەنەوازا دمایی بە جەنگی و نەژادپەرسی بێ، ئاستیێوی فرە لایەن بێ ئاراوە.  دەرەنجاموو گۆشەگیری سەروو گردوو گلێرگەیرە وەڵا بیەنۆ، ئێمە ئی گۆشەگیرییە ڕەت مکەرمێوە و داوا وەنەو گرد لاێوە مکەرمێ سەبای دژوو گۆشەگیری ڕاپیمایەکەنە ئامادێ بیمێ".

'ڕاو چارەسەری بەڕێز ئۆجالانا'

دماتەر عەدالەت کایا قسێش کەردێ و ئاماژەش بە سیاسەتەکاو جەنگوو دەسەڵاتدارییی تورکی کەرد و واتش:" سەروو ئی خاکیوە خەبات پەی ئاشتیی مکەرمێ، ١و ئەیلوولی فرسەتێوە تارێخیین پەی بەرزکەردەیوە دەنگوو ئاشتی، ڕاو چارەسەری ئاشتییانەی بەڕێز ئۆجالانا."

' ١و ئەیلوولینە داوایەکاما موزمێ ڕووە'

 بەردەوامیی قسەکاشنە کایا سەرنجەش وستە سەروو گۆشەگیریی ڕابەروو گەلوو کوردی عەبدوڵا ئۆجالانی و واتش:" داواکارێنمێ پەی دماییئاردەی بە گۆشەگیری و ئاردەیئاراوەو چارەسەری ئاشتییانەی هەنگامەی پەنەوازە بگێریۆرە وەر، ١وو ئەیلوولی کوردسانەنە و جیهانەنە بۆ بە هەنگامەی یوەمەو ئاشتی و پێوە داوایەکاما بەرزێ بکەرمێوە".

ئاخرۆ کایا بانگەوازش پەی بەشداریی گرد لاایوە کەرد ڕاپیمایەکەو سەباینە.