٢٣ـێ ئی مانگێ، وەختێوەنە تیمێوە ڕۆنامەنویساوکۆمپانیاو چەتری  پەی تۆمارکەردەی بەرنامیوە تەلەفزوێنێ ڕووەشا نیێبێ سەیسادەقی و شارەزووری، فڕۆکەی بێفڕۆکەوانوو دەوڵەتوو تورکی کەردێ ئامانج، هەردووە ڕۆنامەنویسێ گوڵستان تارا و هێرۆ بەهادینە گەشمەردێ بیێ و وەرپەرسوو بەشوو دیجیتاڵ میدیاو کۆمپنیاکەی بە نامێ"ڕێبین بەکر"یوە بریندار بی و ئینەیچە کاردیوەش شۆنەو وێشرە ئارد.

چا چوارچوەنە کیران نازیش، ڕاوەبەروو هامپەیمانیی ڕۆنامەنویسە ژەنا-CFWIJ، هجوومەکەش دژوو ڕۆنامەنویسا هورسەنگنا.

کیران نازیش ئەرەیاوناش، ئینە هەوەڵ جار نییەن هجوومی چینە دژوو گەلوو کوردی بکریۆ،ڕۆنامەنویسێ چەمدارێ هەقەتینێ بابەتەکانێ، ساڵانیوا رۆنماەنویسێ کوردی تورکیانە ئینێ چێروو فشارینە، وەختوو ئالۆزیی سیاسیینە، هەوڵێ کودەتاینە بوومەلەرزە و کارەساتەکانە،هەمیشە میدیا و ڕۆنامەنویسێ کوردێ بە پلانە مچەوسنیاوە، بە هەزارا ژەنە ڕۆنامەنویسێ بیێنێ بە بەڵگە هجوومەکاو دژوو ئازایی ڕۆنامە گەریینە.

کیران واتیچش: ئازادیی ڕۆنامەگەریی ژەنا ماوەو پەنج ساڵان هەوڵێ بەروستەی فشاری، گێرتەی، هجوومکەردەی سەروو گەلی ساڵەو ٢٠٠٩یوە تا ئیساتێ میدیای ئازادی کوردیی بە تۆمەتەو تیرۆری کریێنێ ئامانج، چندین ڕۆنامەنویسێ ژەنێ سزاشا ملەرە سەپیێنێ.

کیران باسوو ئانەیش کەرد، کە ڕۆنامەنویسێ بە ئەنقەس تورکیا مکەرۆشا ئامانج و واتش:" وەختوو بوومەلەرزەکەو تورکیاینە ڕۆنامەنویساو کوردی ڕووبەڕوو هجوومی و گێرتەی بیێنیوە، ورشا کوان سەروو یانەکاشا و دەس ملوو کەلوپەلەکەیشارە گیریا، فرێشا وەنەپەرسایوەشا سەرۆ کریا و ڕاگێرییشا وەنە کریا، ئینەیچە نایەکسانی و تندوتیژیین.

هەرپاسە کیران ئاماژەش کەرد، سەرنیشت و پانیشتەنە ملەملێ و فشاروو وەڵاتاو بەریوە هەن، ئا یاگێچە پەنەوازییشا بە ڕۆنامەنویسە کارایا هەن، پەکای پەنەوازا گلیرگەی میاندەوڵەتی بەیا سەروو خەتی و مافوو ژەنە ڕۆنامەنویسا پاشێل نەکریۆ، چوون دەورشا مەنتێقەکاو جەنگینە گرنگا، گەر زەرەرشا بیاوۆ پەنە تاوانا دژوو ئینسانی.

ئاخریچۆ واتش: بەداخۆ پەی کەردەی ئا کۆکوشیە، هیچ هومێدێوەما نییەن کە تورکیا سزا بدریۆ،کە پەنەوازەن ئەوەکۆڵیای چەنی دەوڵەتوو تورکی بکریۆ، وەلێ گلێرگەی میاندەوڵەتی هیچ هەنگامێوەش نەنیێنە، سەبارەت بە تیرۆروو  ئا دووە ژەنە ڕۆنامەنویسا ئێمە نامێوەما پەی سکرتێری گردینوو نەتەوە یۆگێرتەکا کیانا و ئەرەیاوناما،کە پەنەوازەن ئەوەکۆڵیای چا هجوومە عاسمانییە بکریۆ و کە بی بایسوو گەشمەردەبییەی ئا دووە ژەنە ڕۆنامەنویسا.