نه‌سرا ده‌روێشە، هامسه‌رۆكەو هه‌رێمو فورات په‌یه‌ده‌ی، سه‌رنجش وست سەرو گۆشه‌گیری سه‌رو ڕابەرو گه‌لوو كورڎی، عه‌بدوڵا ئۆجالانی و ئەرەیاۋناش، "به رۆحو مدرامانو ژەنا گۆشه‌گیری دلېنەبەرمۍ و ئازاڎیی جه‌سته‌یی ئۆجالانی مسۆگه‌ر کەرمۍ".
گۆشه‌گیری سه‌رو ڕابەرو گه‌لوو كورڎی، عه‌بدوڵا ئۆجالانی زیاڎ جە دۋۍ ساڵ و نیما قورستەر كریان، ئانەیچ بیەن بە مەڵامەتو نیگه‌رانی ڕایگرڎی كورڎی و هێزه دیموكراتیكه‌كا. نه‌سرا ده‌روێشە، هامسه‌رۆكەو هه‌رێمو فوراتو پارتو یۊبیەی دیموكراتیك (په‌یه‌ده)ی سه‌باره‌ڎ پا پەرسه‌یە پۍ ئاژانسو فورات (ANF)ی قسېش کەرڎۍ.
نه‌سرا ده‌روێشە ئاماژه‌ش پانەی کەرڎ، گۆشه‌گیری دلۍ گۆشه‌گیرینە سەرو ئۆجالانی-رە سەپیۊنە و ۋاتش: جە كه‌سایه‌تی ڕابەر ئاپۆینە گۆشه‌گیری سەرو ته‌مامو نه‌ته‌وه‌و كورڎینە جابەجۍ کریۊ. چنی ئا هجوما کە ڕوانە دژ بە گه‌لی ئه‌نجامش مڎا، به گۆشه‌گیری گەرەکشانە نه‌ته‌وه‌و كورڎی دلېنەبەرا و كۆكوشی کەرا.
نه‌سرا ده‌روێشە سه‌رنجش وست سەرو كه‌مته‌رخه‌می سی پی تی كه ڕێكوزیېۋە په‌یوه‌نڎیدارا و ۋاتش: سی پی تی پەی مەسڵەحەتو ۋېش گۆشه‌گیری پەشتگۊش وزۊ. تا ئیسە سی پی تی زانیاریېۋە ڕۊشنش جەبارەو ئاژەو ڕابه‌ره‌كه‌یماوە نه‌ڎان. گرڎ مزانا كرېڵ و چاره‌سه‌ری قۊرتەکا جەهانی ئینا ئیمراڵینە دلۍ چوار دیوارانە زینڎانی كریان. حه‌رپۊکەی ڕا مەڎا كه زانیاری جەبارەو ڕابەر ئاپۆیۊ هۊرگیریۊ.
هامسه‌رۆكەو هه‌رێمو فوراتو په‌یه‌ده‌ی سەرنجش وست سەرو ئەرەکۊشای ڕابه‌رو گه‌لوو كورڎی، عه‌بدوڵا ئۆجالانی پەی ئازاڎیی ژەنۍ و ۋاتش: ئێمه به گیانو مدرامانو ژەنا، گۆشه‌گیری ڕه‌ها سەرو ڕابه‌ر ئاپۆی ماڕمۍ و ئازاڎیی جه‌سته‌یی مسۆگه‌ر کەرمۍ".
نه‌سرا ده‌روێشە ۋاتش: بناغه‌دانه‌رو پرۆژه‌ی نه‌ته‌وه‌ی دیموكراتیكی، عه‌بدوڵا ئۆجالانا، نه‌ته‌وه‌ی دیموكۆاتیك گرڎو نه‌ته‌وەكا جە ۋېش گېرۊ، ده‌وڵه‌تە سه‌رده‌سەکۍ ئی پرۆژه‌یه پېسە هه‌ڕه‌شا پۍ سه‌رو ۋېشا ۋینا. حه‌ر پۊکەی هجوم کەرا و گەرەکشانە پرۆژه‌كه‌ی دلېنەبەرا.
هامسه‌رۆكەو هه‌رێمو فوراتو په‌یه‌ده‌ی جە دمادماینە ۋاتش، جە سایه‌و فەلسەفەکا ئۆجالانینە، ژەنی سەرمەشقی ئاخېزی و سەرهۊردایشا کەرڎ. به هێزو ڕابه‌ر ئاپۆی ئانا ژەنی ئینا گلېرگېۋە سیاسینە، ئینا سه‌نگه‌ره‌كا جەنگینە، جە ئاستی هامسه‌رۆكینە ئینۍ دلۍ ڕاوەبەردەینە. داوا جە گرڎ لایۍ کەرمۍ، هۊرزا سه‌رو پەیا و گۆشه‌گیری ماڕا و ئازاڎیی جه‌سته‌یی ڕابه‌ر ئاپۆی مسۆگه‌ر کەرا.
هـ. ژ
