بە پاو زانیارییەکا کۆڵبەر نیوزی، شەوەی ۋیەرڎۍ ھێزەکۍ سەر بە دەوڵەتوو ئێرانی جە مەنتیقەو سنووری 'تەتە'ی جە ھەورامان و ۋەرکەوتوو کورڎسانی، تەقەشا جە کۆڵبەرا کەرڎەن و جە ئاکامەنە دووۍ کۆڵبەرۍ بە نامەکا 'سەباح. م' عمر ٣٤ ساڵ خەڵکوو دەگاو ھەڵوژان و مەریوانی و 'کەنعان تەباسیدە' عمر ٢٨ ساڵ، خەڵکوو مەریوانی، زامڎارۍ بیېنۍ.

جە لایۍ تەرۊ ڕۊو ٢٠ ئەیلولی، جە مەنتیقەو سنووری 'کێلە'ی سەر بە بانەی، کۆڵبەرېوە بەنامۍ 'فەرید' ی بەمەڵامەتوو تەقەی ڕاسەوخۆ و ھێزەکا سوپاو پاسدارا بە سەختی زامڎار بیەن و بە مەبەسوو چارەسەری فاڕیانۊ پۍ نەوەشخانەی.

ڕووانە جە مەنتیقە سنوورییەكا ۋەرکەوتوو كورڎسانینە، كۆڵبەرەکۍ کە بە مەڵامەتوو نەبیەی هەرمانۍ و پەی دەسەبەرکەرڎەی بژێوی ژیۋای ڕووە چا مەنتیقا کەرا، بەڵام جەلایەن و هێزەكا ئێرانیوە ڕاسەوخۆ کریانە ئامانج و پا مەڵامەتۊ جە ماوەو چن مانگی ۋیەرڎەینە ژمارېوە فرە جە كۆڵبەرا گیانشا جە دەسدان یان بە سەختی زامڎارۍ بیېنۍ.