بۊنەو سیاسەتوو ئاکەپە-مەهەپەیوە، قەیرانەکاو تورکیای بەتایبەتی قەیرانوو ئابووری زیاڎتەرۍ بیێنۍ، پا سەبەبیچۊ سەرنیشتوو کورڎسانی و تورکیایچنە نرخەو گازی شلی زیاڎە بیێنە.
دماو وەستەیرەی بەهاو لیرەی تورکی وەراوەروو دۊلاری و زەڕە بێگانەکاوە بە بییەیۊ ئەردۊگانی بە سەرۊککۊمار، نرخەو سۊتەمەنی دایمە بەرزە بۊوە، قەرارا سەوایۊ نرخەو گازی (LPG) کە گازی شلی تایبەتا بە سەیارا نرخەکێش زیاڎە کریۊ.
بە پاو سەرچەمەکاو نوێنەراو کەرتوو سۊتەمەنیی تورکیای ڕۊو دووەشەممەی، ٢٦وو حوزەیرانوو ٢٠٢٣ بە دماوە جە سەرنیشتوو کورڎسانی و تورکیانە نرخەو گازی LPG پەی سەیارا ٦٦ قروشۍ زیاڎە کریۊ.
دماو ئی بەرزۊبییەیە، نرخەو LPG جە ئەستەنبووڵنە ١٠ لیرۍ و ٥٩ قروشۍ، ئەنقەرەنە ١٠ لیرۍ و ٧٧ قروشۍ و ئیزمیرنە ١٠ لیرۍ و ٦٦ قروشۍ بۊ.
دماو ورچنیەیەکاو سەرۊکایەتی و پەرلەمانوو تورکیای جە ١٤ و ٢٨وو ئایاروو ئێساڵینە، نرخەو گازوایلی ٤ لیرۍ و ٤٠ قروشۍ، نرخەو بەنزینیچ ٣ لیرۍ و ٤٠ قروشۍ بەرزۍ کریێوە.
س.ز
