چالاکی "دادپەروەری و یاسا باردێ دی " بە سەرمەشقایەتیی بنەیانەو زیندانییا بە ئامانجوو ئازادیی جەسەیی ڕابەروو گەلوو کوردی عەبدوڵا ئۆجالانی بەردەواما، یەرێ حەفتێن سەروو یۆی لوێنێ ئەنقەرە پەی کۆبییەیوە چەنی وەزیروو دادی بەڵام ڕاشا وەنە گیریا و بە بەهانێ جیاجیێوە داوێکێشا ڕەتە کریێوە. ئارۆ بە بەهانێ ئانەیوە وەزیروو تونچی ئینا کۆبییەێوە تایبەتنە، ڕاوەبەرەو نویسگەی تایبەتیی وەزارەتی بوشرا سەلەکە و وەرپەرسوو ئەوەکۆڵیای وەزارەتی عیرفان یەڵماز چەنی بنەیانەکا کوێ بیێوە.

بە نامێ بنەیانەو زیندانییاوە یەرێ کەسێ پێسەو نوێنەری بەشدارێ کۆبیەیوەکەی بێنێ، هەرپاسە پەرلەمانتاراو دەم پارتی بورجوگول چوبوک و سەرحەد ئەرەن کۆبییەوەکەنە بەشدارێ بێنێ.

بنەیانەکێ پاشێلکاری و ناهەقییەکاو دلێ زیندانەکاشا باسێ کەردێ و ئەوەخوایشا کەردۆ تا چەنی وەزیر یەڵماز تونچی کوێ نەباوە ڕاپیمای هەزاران کەسی مکەرانێ. ئاماژەشا پانەیە کەرد ڕۆلە نەوەشەکێشا زینداننە ئینێ گۆشەگیریینە و ئی ڕەوشەو ڕۆڵەکاشا قبووڵ نمەکەران.

سەلەک و یەڵماز سەرنجەکێشا پێوەس بە کۆبییەیەکەی نویستێ و ئەوەخوایشا کەردۆ سەرنجەو بنەیانەکا میاونا بە وەزیری.