بەرلینوو پایتەختوو ئەڵمانیاینە نیشناگێوە، کە تایبەتمەندییەکاو گلێرگەی ئیتنیکی و نەتەوەییەکا وزۊ ڕووە بە نامۍ "دڵوو وەرکەوتی"یوە کریانۊ.

نیشانگاکە بە هامکاریی نوسیگەو ئاشتیی ژەناو جەنی، ناڤ بەرلین، کوردیش سەنتەروم، هینبون و ئەکادیمیای ئێزدی لاو د. تۊماس مرامەریوە کریا وە.

نیشانگاکەنە کە زیتادێڵ-زاک (ناوەندوو هونەری هامچەرخ)ینە کریاوە و ڕسمۍ و کەلوپەلەکۍ، کە ئایین و کولتووری کوردی نیشانە مدا و هەرپاسە ڕسمەکاو کۊکوشیی ئەرمەنییەکا نمایشۍ کریۍ.

هاموەڵاتۍ ئەڵمانی و کوردستانیچ خێرامای فرەشا وەنەو نیشانگاکەی کەرد.

جە کەرڎەیۊ نیشانگاکەینە  د. تۊماس کرامەر بۊنەو خێرامای هۊی فرەیۊ سپاسوو مێمانەکاش کەرد و ئەرەیاوناش، جە ڕاو نیشانگاکەیۊ دیمەنێوەشا پەی ئشناسنای کورڎا، کورڎاو ئێزدی و ئەرمەنییەکا نەخشنان.

نیشانگاکە تا یەکوو کانوونوو دووەموو ٢٠٢٤ گرد ڕوۍ جگە جە ڕواو  پەنج شەممەی جە سەعات ١٠:٠٠ پەی١٧ کریاوە بۊ و ڕواو پەنج شەممەیچ سەعات ١٣:٠٠ پەی ٢٠:٠٠ کریاوە بۊ.  

یاگۍ نیشانگاکەی:

Zitadelle Spandau-ZAK , Am Juliusturm 64, 13599

س.ز