بەرلینەنە یاڎوو گەشمەردا قەنارەی بەرزڕاگیریا
فەرزاد کەمانگەر، فەرهاد وەکیلی، عەلی حەیدەریان و شیرین عەلەمهولیە کە ١٤ ساڵۍ چێوەڵتەر جە تەرەفوو دەووڵەتوو ئێرانیوە جە قەنارە دریۍ، پایەتەختوو ئەڵمانیاینە یاڎشا بەرزڕاگیریا.
زیندانیا سیاسی فەرزاد کەمانگەر، فەرهاد وەکیلی، عەلی حەیدەریان و شیرین عەلەمهولیە کە ٩و ئایارو ٢٠١٠ جە قەنارە دریۍ، جە بەرلینوو پایتەختوو ئەڵمانیاینە بە مەراسیمێوە یاڎشا کریاوە.
مەراسیمەکە کە جە تەرەفوو کەژاری بەرلینەنە رێکوزیابۍ بە دەیەقێوە بێدەنگی پەی رێزگێرتەی جە یاڎوو گەشمەرڎا دەسشپنەکەرد، دماتەر وتارۍ پێشکەش کریۍ.
جە وتارەکانە ئاماژە پانەی دریا سزاو جە قەنارەدای دژوو مافەکا مرۆڤی، هەستی تنووتیژی و حەق ئەسایۆ دلۍ گلێرگەینە زیاڎ مکەرۆ و ئەرەیاۋناش، "ۋەروو ئانەی مەبۆ سزادای بە ئامانجوو کۆمکوشی و دلێنەبەردەی گەلا بۆ. دەوڵەت مەبۆ بیەو ۋێش سەروو کۆمکوشی درێژە پنە بڎۆ. ۋەروو ئانەیچ ماوێوە چێوەڵتەر هەڵمەتەو 'نا پەی جە قەنارەدای و بەڵێ پەی ژیۋای ئازاڎی'یشا دەسپنەکەردەبۍ. جە چوارچێوەو هەڵمەتەکێنە ئێمە پەی چالاکوانەو کوردی وەریشە مورادیۍ هەڵمەتەو 'ئازاڎیی پەی وەریشە مورادی'ێما دەسپنەکەرد. مشۆم گرد بەتایبەتی ۋەرگریکارا مافەکاو مرۆڤی و تەرەفڎارا دیموکراسی بەشداری چا هەڵمەتێنە بکەرا".
جە یاڎەکەنە سینەڤیزیۆنۍ نمایش کریا و یاڎەکە بە گۊشگێرتەی چا گۆرانیا پەی یاڎوو گەشمەرڎا ئاماڎەکریێبێنۍ، دمایش ئاما.
