تەڤ-چاندوو ئەورووپای بە ئەرەیاوناێوە بە نامێ "ئازادیی ڕابەر ئاپۆی، ئازادیی ئێمەن" پەشتگیریی ڕاپیمای درێژیش کەرد، جە چوارچوەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" واتش: "با گردوو هونەرمەندا و خەباتکاراو چاندی وەڵاتپارێزنی پەی ئازادیی جەستەیی ڕابەر ئاپۆی دەنگ  بەرز کەراوە، چارەسەری سیاسی پەرسەو کوردی چەنی گەلوو وێما بیمێ".

سەرەتای ئەرەیاونایەکەی ئاماژە کریان بە پیلانگێڵنیی میاننەتەوەیی و وچیان: " مزانی بە گرتنیی ڕابەر ئاپۆی، کۆشیای ئازادیی گەلوو کوردی پووکییۆوە و چێوێ بە نامێ پەرسەو کوردی مەمەنۆ، کە سەرەشا بێشنۆ. وەلێ نە ڕابەر ئاپۆ و نە تەڤگەری ئاپۆییشا خاس نەوانانۆ".

درێژەنە ئامان: "ئانە ٢٥ ساڵێن، گەلوو کوردی و دۆسەکێشا بە پەڕاوپەڕی ڕۆ بەڕۆ کۆشیا و پووچەڵکەردەیۆ پیلانەو پیلانگێڵنا سەلەمنا. ئانە ٢٥ ساڵێن دەوڵەتوو تورکی ئەرەگیرکەری بە پەسەندکەردەی هامپەیمانەکاش و وەرەچەماشۆ گۆشەگیریێوە  نائەخلاقی سەروو ڕابەر ئاپۆی بەرۆ ڕاوە. ٢٥ ساڵێن ڕا جە تاکە چارەسەری دیموکراتیکی گێرا".

ئاماژە کریان بە کۆکوشی و دڕندەیی دەوڵەتی ئەرەگیرکەروو تورکی و بەکارئاردەی چەکی قەدەغەکریای، کە دەوڵەتە سەرمایەدارییا پێشکەشیش کەرا سەروو گەلوو کوردی و جەنگواناو کوردی بەکارش مارۆ،  بە وێرانکەردەی دەگا و شارەکا و قڕکەردەی سیاسی و چاندوو دەوڵەتوو داگیرکەری تورکی یاوان ئەوپەڕوو دڕندەیی و چێرخانوو وەرنیشتی بۆردومان کەرۆ، هونەرمەند و ڕۆشنویرێ و چالاکێ کەرۆ ئامانج.

ئاخرۆ ئاماژە پانەیە کریان مشۆم پێسە هونەرمەندا سەرمەشقایەتیی چالاکییەکا کەرا و وچیان: "پێویسا چا ڕۆ و چالاکییە تاریخییەنە گردوو هونەرمەندا و خەباتکاراو چاندی وەڵاتپارێزنی، چەنی گەلەکەیما بیمێ، پەی ئازادیی جەستەیی ڕابەر ئاپۆی دەنگ  بەرز کەرمێ، پەی چارەسەری سیاسیی پەرسەو کوردی چەنی گەلەکەیما بیمێ.

ئێمە  ١٧ شوباتوو ٢٠٢٤ سەروو گردوو بەرنامەکاماوە مردمێ و باسشا کەرمێ، ئا ڕوە تەنیا یەک بەرنامەما هەن، ئادیچ چالاکیی تاریخیین پەی ئازادیی جەستەیی ڕابەر ئاپۆی".