برینداراو جەنگوو کانتۊنوو عەفرینی و شەهبای کەمپوو مدرامانوو مەنتێقەو فافینینە جە شەهبانە کوۍ بیێوە و پێوەس بە گۊشەگیری سەروو ڕابەروو گەلوو کوردی عەبدوڵڵا ئۊجالانی ئەرەیاوناێوەشا واناوە.

ئەرەیاوناکەی بە نامۍ ئەرەمەرزیاو برینداراو جەنگوو کانتۊنوو عەفرینی و شەهبایۊ، بە زوانی کوردی لاو مامۊستا عەلیا عەبدۊیۊ ونیاوە، حەرپاسە بە زوانی عەرەبی لاو ئەنداموو ئەرەمەرزیاکەیۊ گیڤارا شۊڕشیوە ونیاوە.  

"مشۊم دمایی بە فاشیزموو تورکی بارمێ"

جە ئەرەیاوناکەینە وچیا: "ئێمە جارێوە تەر قەراروو بەرزکەرڎەیۊ کۊشیای مدەیمۍ، حەرپاسە  بیمۍ بە قەڵغانێوە وەراوەروو ئا جەنگە تایبەتەو دژوو گەلەکەیماوە ملۊ ڕاوە،مدرامانما چی ڕووەوە گەورەتەر بۊ. تا بەدیئارڎەی ئازاڎیی جەسەیی ڕابەر ئاپۊی مسۊگەر نەبۊ، چالاکییەکێما مەمردا.".

جە ئەرەیاوناکەینە ئاماژە پانەیە کریا، گۊشەگیریی ڕەهاو سەروو ڕابەروو گەلوو کوردی عەبدوڵڵا ئۊجالانی حەرگیز قبووڵ مەکریۊ،داوا کریا: "مشۊم گۊشەگیریی سەروو ڕابەر عەبدوڵڵا ئۊجالانیوە ورگیریۊ و دمایی بە فاشیزموو تورکی باریۊ، کە یاسا میاننەتەوەییەکا پاشێل کەرۊ. ئێمە بە شۊنەو هزر و فەلسەفەو ڕابەر ئاپۊیرە ملمێ".

ئاخروو ئەرەیاوناکەینە، داوا جە گەلوو چوار پارچەو کورڎسانی و ئەورووپای کریا، پەی ئازاڎیی جەسەیی ڕابەروو گەلوو کوردی عەبدوڵڵا ئۊجالانی ئەرەپڕا.

س.ز