بەرزاییەکاو گەڤەرینە بە درۊنی هجوومبەر و سەیارەی زرەپۊش ئۊپراسیۊن کریۊ
هێزەکاو دەوڵەتوو تورکی ئەرەگیری بەرزاییەکاو دەگایەکاو تلۊرانی وارینی و تلۊرانی سەرینینە، کە سەر بە مەنتێقەو گەڤەروو جۊلەمێرگینۍ، دەسشا بە ئۊپراسیۊنی کەرد.
بە پاو زانیارییەکا هێزەکاو دەوڵەتی بەرزاییەکاو تلۊرانی وارینی و تلۊرانی سەرینینە بە بەشداریی ژمارێوە فرە سەروازا دەسشا بە ئۊپراسیۊنی کەرڎەن.
جە هەردووە دەگایەکانە ئا پرڎۍ سەروو ڕایەکاو کوێستانەکاو هۊرۍ، بەرە سۊری و جۊننینە جە ڕاو مەرزنایرەی سەیارێوە زرەپۊشیوە وزیێنێرە و دەگێکێچ گەمارۊ دریێنۍ.
سەرسەعب ژمارێوە فرە سەیارۍ زرەپۊشۍ نۊعوو کیرپی و بە سەدان سەروازۍ بەرەو هەرێمەکەی فاڕیێنێوە.
مەیدانەکاو کەشەکاو سپێرێزی و عومەرێشینە درۊنی هجوومبەرۍ سووڕییاوە.
دەگانشینۍ کە مەیوماڵاتشا کوێستانەکانی بەرە سۊرینە هەن، ڕاشا وەنە گێرییۊ، ئانەیچ ئەرەیاونییا، کە بێرییەکێچ وەڵی دعشتەی مەیەگەلەکێنە گێڵیێنێوە پەی دەگایەکاشا.
س.ز
