چالاکیییەکۍ جە ئاستوو جەهانینە بە داواو چارەسەری کوردی و هۊرگێرتەی گۆشەگیری سەروو ڕابەروو گەلوو کوردی عەبدوڵا ئۆجالانی بەردەوامێنۍ. پۍ ئی مەبەسیە ئێشکگیریی بنەیانەو زینڎانیا جە شارەکاو وان، ئیستەنبوڵ و ئەزمیرەنە بەردەوام بۍ.

جە چالاکییەکەو وانیەنە، ئەڎاو ئاشتی ئاسیا ئۆزلوە واتش: "با ئەڎاو سەروازا و گەریلاکا و پۆلیسەکا ئیتر نەگرەوا. تەنیا داواما ئازاڎیی بەڕێز عەبدوڵا ئۆجالانیا. با ئاشتی و ئازاڎیی چی خاکەنە بەرقەرار بۆ ".

ئەڎاو ئاشتی، فاتمە ئەسڵانە ناڕەزایەتیش ۋەرا ۋەر بە دەسەڵاتی بەربڕی و واتش: "تا کەی هەنگامە مەنیا، چەمەڕێنۍ ڕۆڵەکێما مرا؟".

جە چالاکییەکەو ئیستەنبوڵینە لایەن و ڕێکوزیاو کەسایەتیەکۍ سەردای چالاکییەکەیشا کەرد، چالاکییەکەیچ بە پاگیریوە بەردەواما. بنەیانەو زینڎانیا پێوەرە بە یەک دەنگی داواو ئازاڎیی جەسڎەیی ڕابەروو گەلوو کوردی عەبدوڵا ئۆجالانیشا کەرد.

جە چالاکییەکەو ئەزمیرینە، جە بنەیانەو زینڎانیانە، حەنیفە گوموشە  ئاماژەش پانەی کەرد ٣٤ ڕووێن ئینۍ ئێشکگیری دادپەروەرینە، واتش: "با زینڎانییە نەوەشەکۍ ئازاڎۍ بکریا".

گوموشە بۊنەو ٨ و ئاداریوە داواش جە ژەنا کەرد: "تورک و کورد و عەرەب و جەرکەس و ئەرمەن و جوو، داوا جە گرڎیشا کەرمۍ. با جلۍ هەرێموو ۋێشا کەرانە وەرشا و بەشداری ٨ و ئاداری بکەرا. ٨ و ئاداری جە گرڎ لێوە پیرۆز کەروو. ٨ و ئاداری جە گرڎوو ژەنا و ئەڎایا دلۍ زینڎانەکا پیرۆز کەروو".