ماوەو چند ڕۊێوەن پارێزگاو سوەیداینە ناڕەزایەتی و وێنیشانەدای  دژوو ڕژێموو سوریای کریۊ. بەڕێوەدەچن. هەرپاسە دوکان و دامودەزگا گرڎیییەکۍ مانشا گێرتەن،  مەروان حەمزە چالاکی سیاسی، سەبارەت بە قۊمیایەکاو ئی دماییەو سوەیدای پەی ئاژانسوو هەواڵوو فورات ANF))ی قسێش کەرڎۍ.

مەروان حەمزە ئەرەیاوناش، کە ئی وێنیشاندایە ناڕەزایەتیۍ سوەیدایە لوان حەفتەی دووەمۊ و واتش: "ژەنی، وانیاراو زانکۊی، شێخۍ عەشیرەتەکا و گرڎوو چینەکا و گلێرگەی بەشدارییشا کەرڎەن. جە چندڕۊی وەڵیننە واڵەوبرا بەدەوییەکێچما جە عەشیرەتەکاو پانیشتینە چەنی ئێمە بەشدارۍ ئا ناڕەزایەتییا بێنۍ، ئی ناڕەزایەتییۍ دماو بەرزبییەیۊ نرخەو نەوتۍ لاو ڕژێمیوە دەسشا پەنە کەرد، کە نرخەو گرڎوو کەلوپەلێوەیچ بەرز بییۊ و هاموەڵاتۍ مەتاوا پی نرخا، کە نریێنێرە بژێوییشا پەیدا کەرا.

مەروان ئەیاونایچش، ئەگەر ئی ڕژێمە ٪١٥و داهاتوو نەوتەو وەڵاتی پەی بەرژەوەندیی گەلەکەیش خەرج کەرڎۍ، بە بەراورد چەنی وەڵاتاو کەنداوی خاستەر ژیوێنمۍ و واتش:  ڕژێموو سوریای پا گێرۊرە سەروو ئانەیە، کە ئێمە هەژارینە بژیومۍ پێسە کۊیلەی مامەڵەما چنی کەرۊ. ئا شۊڕشە ساڵەو ٢٠١١ دەسش پەنە کەرد و هەڵای بەرڎەواما، ئەوەڵۊ سوەیدانە پێسە یۊ جە شارە گرنگەکاو شۊڕشی یاگۍ وێش کەرڎۊ و ئیساتێچ حەرگیز مەمردمۍ تا میاومۍ ئامانجەکەیما.

ئاخروو قسەکاشنە، چالاکی سیاسیی مەروان حەمزە، واتش کە ئی وێنیشانەدایۍ بەرڎەوامۍ با تا ڕژێموو سوریای دلێنە مشۊ.

هیزی چالاکۍ لوۍ سەروو لەقوو حزبوو بەعسی و سەرجەموو کارمەندەکاشا بەرۍ کەرڎۍ و بەتەمامی دەسشا ملوو لەقەکەیرە گێرت. هەرپاسە گرڎوو لەقەکاو حیزبی گرڎوو دەگایەکانە وزیێرە و حزبوو بەعسی سوەیداینە دماییش ئاما.

وەختۍ ئی دەسەڵاتە وڕیا ژیوای سیاسی گێڵاوە دۊخی ئاسای وێش، گرڎوو حزبە بەعسییەکا گێڵاوە، پێسە حزبێوە دوور جە دەسەڵاتی خێرامایشا کەرمۍ. باوڕمان بە خەباتی دیمۊکراتیکی هەن، بە هەرمانەو دامودەزگاکا و باوڕما بە ئازاڎیی گرڎلاێوە هەن و گەرەکما نیا پارێزگاو سوەیدای جە سوریای جیا کەرمێوە، سوەیدا بەشێوەن جە سوریای. ئەگەر ڕژێموو سوریایچ وڕۊ قبووڵ مەکەرمۍ، کە لایەنە سیاسییەکا پێسە ئۊپۊزسیۊنوو سوریای بەیا نوێنەرایەتیما کەرا. ئۊپۊزسیۊنوو سوریای شکستوو وێش گرڎ ڕوێوە نیشانە دا، داواما جە گرڎ ئازاڎیوازێوە کوردی سەرنیشتنە و وەرکەوتوو سوریاینە هەنە پاڵپەشتیی شۊڕشەکەیما کەرا و یۊی گێرمۍ.

س.ز