چالاکی ''باڵیۆزخانەو جەهانێوە تازەی: کوردسان''ی دمایش پنەئاما
چالاکی ''باڵیۆزخانەو جەهانێوە تازەی: کوردسان''ی کە چنەشەنە پەیامۍ فرۍ دریۍ، دماو گفتوگۆی سەروو 'کۆنفیدڕالیزمی دیموکراتیک'ی بە دروشمەو 'ژەنی، ژیای، ئازاڎییی'، دمایش پنە ئاما.
چالاکی هونەری، کولتوری و سیاسی بە نامۍ ''باڵیۆزخانەو جەهانێوە تازەی: کوردسان''ی بە بەشڎاری ژمارېوە فرە جە هونەرمەنڎا، سیاسەڎمەدار و ئەکادیمیسیا جە وڵاتە جیاجیاکاوە جە شاروو لۆزان و سویسڕای لۋاڕاوە و دماو یەرۍ وۆرکشۆپا و کۆڕبەندۍ جیاجیۍ دمایی بە هەرمانەکاش ئاما.
چالاکیەکە بە سەرمەشقی کۆنگرە و نەتەوەیی کوردسان (کەنەکەی و پڕۆژە و هونەرمەنڎی هۆڵەندی جۆناس تاڵی جە شانۆی ڤیدی لۆزانی لۋاڕاوە. جە فرەو وڵاتاوە بە دەیان مېمانۍ بەشڎارۍ بېنۍ و جە دووۍ ڕوېنە پرسوو کۆنفیدڕآڵیزمی دیموکراتیکی وزیا وەروو باسی و گفتوگۆی.
ڕۊی دووەم بە ئەنجامدای یەرۍ وۆرکشۆپا جیاجیای جە سەعات ١٠:٠٠ دەسشپنەکەرڎ.
ئەنڎامەو ئەکادیمیای ژنۆلۆژی نەجیبە قەرەداغی-ە سەروو بابەتوو 'ژنۆلۆژی' جە کۆتدیڤوارۊ چالاکوان ئاهمەدنا عەبدی مبارەک سەروو 'ۋۍ پارېزنای جە کۆتدیڤوار' و جە لوبنانۊ هونەرمەنڎ و توێژەر مەروا ئارسانیۆس سەروو مژاری سیاسی و هونەری قسېشا کەرڎۍ.
جە دمانیمەڕۊیچەنە بە بەشڎاری رۆژین موکریانۍ جە ۋەرکەوتوو کوردسانی، ئاهمەدنا عەبدی مبارەک و مەروا ئارسانیۆسۍ وۆرکشۆپێوە بە نامونیشان و " کولتورەکا پاڵپەشتی" سازکریا.
رۆژین موکریان-ە باسش جە مامەڵە و دەسەڵاتەکا ئێرانی حەر جە پەهلەویۊ تا دەوڵەتوو ئیسەو ئێرانی ۋەران ۋەر بە کوردەکا کەرڎ و جە قسەکاشەنە ئاماژەش بە سەرهوردای 'ژەنۍ، ژیای، ئازاڎی' کەرڎ.
ئاخر وۆرکشۆپیچ سەروو 'کۆنفیدڕالیزمی دیموکراتیکی جەهان'ی بۍ.
چا وۆرکشۆپەنە جە کۆنگرەو ستاریۊ روخۆش شێخۆ و جە بەنگڵادیشۊ سەرۆکوو سەندیکا و کرێکارا ڕېستە و چنیەی و ئەرەمەرزنەروو جەمەو ئاواژێ نازما ئاکتەری قسېشا کەرڎۍ.
روخۆشە شێخۆ جەبارەو ئاخېزوو ۋەرنیشتیۊ سەرنجش وست سەروو دەوروو ڕابەروو گەلوو کورڎی عەبدوڵا ئۆجالانی جە ئاخېزەکەنە، جە بەشېوە تەروو قسەکاشەنە هۊرسەنگنایش پۍ مامەڵەو هێزە میان نەتەوەییەکا چنی سەرنیشتوو ۋەرکەوتوو سوریای کەرڎ و ۋاتش، "هێزە میان نەتەوەییەکۍ گەرەکشانە ئێمە پېسە هێزێوە سەروازی وینا، سەروو ئا ئەساسیچە مامەڵەما چنی کەرا. بەڵام دژ بە سیستمەکە و ئێمەنۍ. ۋەران ۋەرش مرداوە پۍ ئانەی کۆنفیدڕاڵیزمی دیموکراتیک پېک نۍ. گەرەکشانە چنی هێزە هەرێمایەتیەکا جەنگەنە بیمۍ".
وەڵۍ دمایی پنەئاردەو چالاکیەکەی رێکوزوو شانۆیی ڤیدی ڤینسێنت باودرییلیەری، ئەنڎاموو کەنەکەی نیلوفەر کۆچ و هونەرمەنڎ جحناس ستال سپاس و بەشڎاراشا کەرڎ. دماتەریچ بەشڎاربیەکۍ جە دەوروو مێزێوە کە خەریتەو کوردسانیش سەرۊ بۍ کوۍ بیېوە و دروشمە و 'ژەنۍ، ژیای، ئازاڎیی'شا ۋاتۊ.
