'ئێشکگێریی ئازاڎی'، کە جە ٢٥وو حوزەیرانوو ٢٠١٢، لاو دەسوەڵێوستەی ئازاڎی پەی عەبدوڵڵا ئۊجالانی، جە شاروو ستراسبۊرگوو فەڕەنساینە دەسش پەنە کەرد، دژوو گۊشەگیری و پەی مسۊگەرکەرڎەی ئازاڎیی جەسەیی ڕابەروو گەلوو کوردی، بەرڎەواما.

ئا ئێشکگێرییە کە درێژتەرین چالاکیی کوردین ئەورووپانە، حەفتەی ٥٨٧منە چەنی گرووپێوە بەرڎەواما، کە جە یەرۍ وەڵاتپارێزناو ئەرەنیشتاو سویدی بە نامەکاو شێخموس چەتینکایا، عەزیز بامۊ و جوان شاهانی پێک ئامان.

شێخموس چەتینکایا، قسەکەروو گرووپەکەی، واتش ماوەو یەرۍ ساڵان نەتاوانشا حیچ زانیاریێوە بارەو ڕابەروو گەلوو کوردی، عەبدوڵا ئۊجالانیوە ورگێرا و واتش: پێویسا دەمودەس زانیاری بارەو ئۊجالانیوە ورگیرییۊ.

چەتینکایا هەرپاسە داواش وەنەو گردوو کورڎا کەرد، خەبات پەی دۊزوو وێشا کەرا و واتش "پێویسا کورد سەرتاسەروو دنیێنە یۊی گێرا".

لاو وێچشۊ عەزیز بامۊش ئەرەیاوناش، "ماوەو یەرۍ ساڵان نەتاوانما زانیاری جە ڕابەر ئاپۊی ورگێرمێ" و واتش: تا دژوو گۊشەگیری مردمێوە و دژوو دەوڵەتی تورکی ئەرەگیری ناڕەزایەتی بەروزمۍ، بەشداریما جە چالاکییەکەینە کەرڎەن.

س.ز