واننە کۆمەڵەو چاندی، یۆبییەی و پەشتیواناو بنەیانەو بێسەروشۆناو بێشکێ شارستانیەت (مەبیا-دەر)، جە چوارچوەو چالاکییەکاو ٨ ئادارینە سەرێ مەزاروو ئا ژەناشا دا، کە کۆشیای ژەنانە گیانشا بەخت کەرد.  قەبرسانوو یەنیماحالەینە، چەنی هامسەرۆکوو مەبیا-دەری خانم کایە، ئەنداماو تەژەئای،  کاندیداو هامسەرۆکوو شارەوانیی دەم پارتی، ڕاوەبەراو دەم پارتیی مەنتێقەکەی، چندین ژەنێ بەشدارێ سەردایەکەی بێنێ.

خانم کایە ئانەش دیاریی کەرد، تا بەدەسئاردەی ئامانجوو کوردستانی ئازادی کۆشیایشا بەردەوام بۆ و گۆشەگیری دژوو ڕابەروو گەلوو کوردی عەبدوڵا ئۆجالانی شەرمەزار کەرد و واتش: "گۆشەگیری سەروو ڕابەروو گەلوو کوردی گۆشەگیریین سەروو ژەنێ، گەنجا. گۆشەگیری هۆکاروو کوشتەی ژەنان. حەروەختێوە ژەنی ئازادە بییە ئا وەخت گرد چیوێ ئازاد بۆ. ئازادیی بە سەرمەشقایەتیی ژەنا مێ دی."

هەرپاسە ژەنی بە گۆرانیێ کوردیێوە ئاهەنگشا گێڵنا.

ئیستەنبوڵ

ناوەندوو چاندوو  میزۆپۆتامیای بەیگلۆینە، 'نیشانگاو هیوا'ی پەی ڕسموو ژەنا کریاوە. چندین ژەنێ و کاندیدێ هامسەرۆکێ شارەوانیی گەورەشاروو ئەستەنبوڵی مەرال دەنیش بەشتاش بەشدارێ نیشانگاکەی بێنێ.

ئامەد

کۆمەڵەو ڕۆنامەوانانیی ژەنەو میزۆپۆتامیا (مەکەگە) جە چوارچوەو چالاکییەکاو ٨ ئادارینە جە (PTT)ی ئۆفیسوو گەرەکەکە کارتی و کتێب پەی ڕۆنامەوانە زیندانیکریایا کیانا. هامسەرۆکوو مەکەگەی دلێ چندین ژەنانە سەروو کارتەکاوە پەیامێش نویستێ.

شڕناخ

 کۆمەڵەو وێژەی، چاند و هونەروو ژەنێ (کاسەد) و تەژەئا چوارچوەو چالاکییەکاو ٨ ئادارینە شارەکڵەو بێسپنوو سلۆپی شڕناخینە ئاهەنگێوە ژەنانەشا گێڵنا.  

ئەدەنە

پلاتفۆرموو ژەنەو ئەدەنەی وەڵێ (PTT)ی کۆماری وەڵینینە ئەرەیاوناێوە ڕۆنامەوانییش پێشکەش کەرد و دماتەر کارتێ پەشتیوانیکەردەیشا پەی زیندانییا کیانێ.  چڕیا پەی بەشداریکەرددەی پەی ڕاپیمای ٩ ئاداری جە پردەو قاسم گولەکیوە پەی مەیدانوو ئۆگۆر مۆمجۆی، دماو چالاکییەکەی ژەنی کارتوو پەشتیوانییشا پەی زیندانییا کیانا.