چەتە ئەرەگیرەکۍ دەس سەرو یانەکارە گېرا و ورەشاشا
جە زنجیرەو پاشێلکارییە دڕنڎانەکانە، چەتە ئەرەگیرەکۍ تورکی دەس سەرو یانە و دوکان و هاموڵاتیېرە گېرا، حەرپاسە یانەو هاموڵاتیېوەتەری ورەشا جە شارو عەفرینی ئەرەگیرکریاینە.
بە پاو سەرچەمەکا، چەتەکۍ "فیرقەو حەمزە"ی چېرو هەیمەنەو چەتە (عەلی محەمەد)ینە کە خەڵکو سەفیرەین جە مەنتیقەو حەلەبی، دەس گېرا سەرو یانە و دوکانو هاموڵاتیېوەرە بەنامۍ مسەفا خەلیلی خەڵکو دەگاو بەعدینای سەر بە مەحاڵەو راجوی، جە ناوەنڎو شارو عەفرینی.
حەرپاسە چەتەکۍ "ئەحرار ئەلشەرقیە"ی چېرو هەیمەنەو چەتە (عەبدولکەریم ئەبو سەیف)ینە کە خەڵکو مەنتیقەو سەبینەیا جە دەگاو دیمەشقی، یانەو هاموڵاتیېوە جە کۊڵانەو ئەشرەفیەی جە ناوەنڎو شارو عەفرینی، بەنامۍ محەمەڎ ڕەفعەت عەلی کە خەڵکو دەگاو عەرابوەین جە مەنتیقەو موباتای، بە ٨٠٠ دۆلارۍ ئەمریکی ورەشا بە هاموڵاتیېوە بەرو عەفرینی.
هـ . ش
