هاکان فیدان هەولێرنە چێش کەرۊ، چی گەرەکشا بلۊ ڕووسیا؟ هەوڵێشا پەی چێشینێ؟ گەرەکشانە پی دیدارا گەلوو کوردی و بەتایبەتی جمیەروو ئازادیی کوردستانی دلێنە بەرا. وەلۍ دیسان وەراوەروو مدرامانوو گەریلایۊ یۊ دماو یۊی تووشوو شکسی با.

 پی شێوازا دەوڵەتوو تورکی فاشیزمی سەرکەوتە نەبی و گەرەکش بۍ دلۍ گەلانە خراپەکاری و ئاژاوۍ بنیۊوە و پڕۊژەو نەتەوەی دیموکراتیکی سەرکوت کەرۊ، وەلۍ جە سەیەو مدرامانوو قەسەڎەی و هەڵوێستوو خەڵوو مەنتێقەکەیۊ، گرڎوو پلانەکاشا پووچەڵۍ بیێوە.

 ئەنداموو دەسەو ڕاوەبەریی گرڎینوو پارتوو یۊبییەی دیموکراتی (پەیەده)، ئەحمەڎ خواجه ئەرەیاوناش، که سیاسەتوو فاشیزمی قڕکەرڎەی کورڎان و واتش "پێسە چەنی هاکان فیدان کورڎا و فوئاد حسێنیچ کورڎا. وەلۍ بە سەرڎایەکەیشا گەرەکشانە نیشانەش بدا، کە ئێمە کورڎا گێرمۍ وۍ. وەلۍ ئامانجی سەرەکییشا دلێنەبەرڎەی گەریلاکاو ئازادیی کوردستانین.

'گەرەکشانە بە دەسوو پەدەکەی جمیەروو ئازادی و کوردی دلێنە بەرا'

 گەرەکشانە بە هامکاریی پەدەکەی جمیەروو ئازادی دلێنە بەرا و گەلوو کوردی نازا، ئینەیچە بییەن بە ڕێبازی سەرەکیی فاشیزمی. پەدەکە کە بە نامۍ کورڎا هەوڵە چەنی دوژمنی پەی دلێنەبەرڎەی کوردینۍ، وەلۍ کورد چی سەڎە تازەنە سەلەمناش، کە جە ڕووەو دیموکراسی و یەکڕیزیی گەلاوە وەڵێکەوتەتەرا و پی ڕۊحۊ سەر گنۊ"

'گرڎوو پڕۊژەکاو ئەرەگیرکاری، بە یەکڕیزی و یۊگێرتەیی شکسشا ئارد'

 خواجە واتیچش، کە ئا هامپەیمانییۍ کە سازۍ کریا، سەروو بنەماو دلێنەبەرڎەی  کوردینۍ و واتش "جە سەرنیشت و وەرکەوتوو سوریاینە گرڎوو پێکئامایەکا هەنۍ، فاشیزموو دەوڵەتوو تورکی وەرگەو ئینەیە  مەگێرۊ، پەوکای گەرەکشا ئی پڕۊژەیە نازۊ. پەوکای هجوومش کەرد سەروو گرۍ سپی، عەفرینی و سەرێکانی. وەلۍ به پڕۊژەی نەتەوەی دێموکرات و یۊگێرتەیی گەلا، گرڎوو پلانەکاو ئەرەگیرکاری شکسشا ئارڎەن"

 خواجە واتیچش، دماو کۊوەبییەی چوار قۊڵی، گەرەکشا بۍ جارێوە تەر ناکۊکیی بەینوو گەلانە وەش کەرا، وەلۍ سەرکەوتۍ نەبیۍ. ئەحمەڎ خواجە واتیچش، "دماو ئانەیە ئۊپەراسیۊنوو پتەوکەرڎەی ئاسایشی دەسش پەنە کەرد، بەرکەوت، کە ئادۍ  گەرەکشانە گەلۍ گژوو یۊترینیرە کەرا. فاشیزموو دەوڵەتوو تورکی ئەرەگیری گەرەکش بۍ ئاسایشوو مەنتێقەکەی تێک بدۊ، وەلۍ ڕۊشنا، کە حیچ کەسێوە نمەتاوۊ بەینوو گەلا و قەسەڎەینە، ئاژاوۍ بنیۊوە و کەرۊشا گژۍ یۊیرە."  

'چی سەڎەنە سەرکەوتەی بەدەس مارمێ'

 ئاخرۊ خواجە واتش، کە قەسەڎە بییەن بە هومێدوو دنیۍ و واتش "قەسەڎە گرڎوو گەلا گێرۊ وێش و بییەن مۊتەکێوە پەیشا". گەرەکشانە ڕاو خراپەکاراوە ئاژاوۍ بنیاوە، وەلۍ پلانەکێشا شکسش ئارڎەن، کۊشیای کوردی و شێخوو عەشیرەتەکایچ وەعدشا دا پەشتی قەسەڎەی گێرا. بە ڕۊحوو مدرامانوو قەسەڎەی فاشیزم دلێنە مشۊ، ئێمە ئینایمۍ سەدێوە تارێخینە و چی سەڎەنە سەرکەوتەیەکاما منویسمێوە".

ژ.ن