تورکیانە دماوە ورچنیەی پەرلەمانی و سەرۊکایەتیی کۊماری یۊ جە بابەتەکا، کە فرەتەرین مشتومڕ و قسێش سەرۊ کریێنۍ، کەمبییەیۊ ڕێژەو دەنگەکاو هەدەپەی و پارتوو چەپی سەوزی بۍ. هەدەپە و پارتوو چەپی سەوزی وەروو ئانەیە بتاوا ئەنجامەکاو ورچنیەی و نەخشەڕاو سەرڎەمی تازەو پارتەکەی وربسەنگنا زنجیرە کۊبییەیۊێشا سازۍ کەرڎۍ و دلۍ وێشانە بابەتەکەشا ورسەنگنا. پەرلەمانتاروو ئیستەنبوڵوو پارتوو چەپی سەوزی و هامقسەکەروو هەدەکەی جەنگیز چیچەک بارەو ئەو پڕۊسەیۊ قسێش پەی ئاژانسوو هەواڵوو فورات (ANF)ی کەرڎۍ.

چیچەک باسوو ڕاسیی گەلیش کەرد، کە قوربانی قورسی بەخشان، کە جە بنەماو ڕەخنەکانە ئەقڵیەتوو 'گلێرگەبییەی بە بۍ گلێرگەی' و 'جەماوەریبییەی دوور جە جەماوەری و گەلی' هەن. چیچەک ئانەیچش وست ڕووە، کە پڕۊسەو ڕەخنەی و ڕەخنەدای، کە جەنی گەلی بەراش ڕاوە بێگومان هێزشا پەنە بەخشۊ و واتش، "قەرارڎاریما سەروو ئا خەتۍ، پەی ماوۍ کەمیچ بۊ، چێولای مامناوەند و مەودادرێژنە بۊ بە پەشتیوانیێوە گەورە پەی کۊشیایما".

جەنگیز چیچەک ئانەیچش وست ڕووە، کە راسیی گەلی ڕاسیی ئا ئەدایاو ئاشتیینە، کە  گەڤەرنە جە ئەنجاموو ڕووەدای هاموشۊینە مەرڎۍ.

چیچەک باسیچش کەرد، کە ئیتر دەسشا بە قۊناغوو کۊنفڕانسی کەرڎەن و ئا پرۊسەیچە بە قسەوباس و کۊبییەیۊ ویەرۊ و بارەو  قۊناغوو کۊنگرەکاو پارتوو چەپی سەوزی و هەدەپەیچۊ پێسە دوا: "بەڕاسی هامبەشوو وێشا، کە جە ئەنجاموو کۊبییەیۊ و قسەوباسەکاش سەرجەنۊ ڕێکوستەیۊ دماو ورچنیەی خوڵقیێنۍ، دەسما بە قۊناغوو کۊنفڕانسەکا کەرد. ئا بابەتۍ کە ئێمە جە کۊنفڕانسەکامانە ورشاسەنگنمۍ، ئەنجامی هامبەشوو ئا کۊبییەیۊ و قسەوباسانۍ. بەکوڵی ئێمە بە هەستیارییوە هەوڵۍ مدەیمۍ، کە بە ئیسفادەکەرڎەی جە گردوو رایەکانە کاراکتەر بە پارتەکەی بدەیمۍ و قۊناغوو کۊنگرەی ڕێک وزمۍ. ئێمە مزانمۍ کە قۊناغی قەوەت و یۊگێرتانەو ڕەخنەگێرتەیچ پیسنە بۊ. بڕۍ قۊرتۍ ئەگەر بایچ، کە ئانەیچە ئاسایین، متاوو بەئاسانی بواچوو کە ئێمە جە ئاستێوە قسەوباسینە هەنمۍ پێوە، ئینایمۍ قۊناغوو دیموکراتیکتەرین کۊنگرەینە. قۊناغوو کۊنگرەی بۍ کەموکوڵییچ مەبۊ ئێمە متاومۍ بواچمۍ، ئیرادەما دەسنیشان کریۊ و کەموکوڵییەکاما نمازمێ".

چیچەک واتش، کە کۊشیای کۊمەڵایەتی تورکیانە تەنیا بە پڕۊسەکاو  ورچنیەی مەکریۊ، بەڵکوم ئا یاواینە غەڵەتا تا ئیساتێچ بڕۍ هێزۍ دیموکراتیکۍ و شۊڕشگێڵنۍ بە سیستمیوە بەسۊوە و ئەرەیاوناش، "وەروو ئانەیە کۊشیای کۊمەڵایەتی جە ڕاو پڕۊسەکاو ورچنیەیۊ وەرتەسک کریۊوە، وەراوەروو هجوومەکاو فاشیزمیوە ڕاکارۍ و ڕاوشۊنۍ جە وەخت و شۊنەو وێشنە نەگیریارە وەر. ئا ورسونیشتە غەڵەتە درێژخواینە بییەن مایۍ ئانەیە، کە هێزە دیموکرات و شۊڕشگێڵنەکا جیای ئانەیە بە هۊشمەندی و کۊشیای ڕەوا جووڵیاوە، جە مەیدانەکاو سیستمینە گیرشا وارڎەن و ئاسۍ بیێنۍ. ئەنجاموو ئانەیە چێشا؟ جە وەختێوەنە کە سیستم بە گرد نۊعۍ هجووم کەرۊ سەرما، بە گردوو شێوازوو ئایدۊلۊژییا و ستەمکارانەیۊ هجووم کەرۊ، ڕاو نەجاتبییەی چانەیە تەنیا 'ئەدا و پێرفۊڕمانسێوە سەرکەتانە'و فراکسیۊن و پارت و ڕاوەبەرایەتیی پارتەکەیما، موینییۊ. پێویسییش بە ڕاسیی گەلی وێگێر و ڕێکوزیای مەوینیۊ. وەروو ئانەیە کولتوروو کۊشیای و مەژەگەکەو دلۍ سیستمی، دەوری گرنگوو هەدەکەی مەوینیۊ، کە ئانەیچە مایۍ ڕەخنەینە. پەوکای ئێمە ناچارێنمۍ تایبەتمەندیی وڕنەر کە سەرکەوتەی ورچنیەینە جە هەرمانەکاو کۊشیای دوور وزۊوە، ئا کاراکتەرە ڕێکوزیا سەروو ئا بنەمێوە نریانرە، دلێشنە بەرمۍ و نازمێش.

چیچەک واتش وەروو ئانەیە، ئانە کەشکسش ئارد ئادۍ نییەنۍ و واتش، "با چی بابەتەنە تووشۍ غەڵەتی نەبیمۍ، ڕایچ نەدەیمۍ کەسیچ غەڵەترە بلۊ". چیچەک واتش، " ئاخیرۊ سەرکەوتەی پەی سیاسەتی شۊڕشگێڵنانەی بۊ. سەرکەوتەیچ دلۍ هۊشمەندیینە' ورچنییەی چێوێن، وەلۍ گرد چێوۍ نییا" شارییانۊ".

س.ز