پۆلیسوو ئاڵمانیای مانگەو حوزەیرانوو ٢٠٢٢ێنە ڕاش جە وەرگێریکاراو کوردسانی (تەدا ئۆهلینگ و ڕۆنجا ئاچ)ی گێرتە، کە حەوڵێ دێنێ ڕاو فڕۆکەخانەو دۆسلدۆرفیوە بلا شاروو هەولێری و پاسپۆرتەکێشا گێرتێ. دادگاو ئیدارەو کۆڵنی سەروو داواو (تەدا ئۆهلینگ و ڕۆنجا ئاچ)ی قەرارش دا و واتش هەڵوێستوو پۆلیسی نایاسایی بییەن".

دادگاو ئیدارەو کۆڵنی ئەرەیاوناش کە پۆلیسی فیدراڵی ئەڵمانیای، ڕاش وەنەو ئەنداماو ئا شاندەیە گێرتێنە کە گەرەکشا بییەن بلا کوردسان، دادگا سەروو سکاڵاو ئا دووە ژەنە هامبورگیا، بە نامەکاو تەدا ئۆهلینگ و ڕۆنجا ئاچێ دژوو پۆلیسی فیدراڵی تۆمارشا کەردەبێ، قەرارش بەرکەرد.

دادگا سەفەر و گەشتوو سکاڵاکاراش پەی عێراقی، پەی ماوەو یەک مانگا بە نایاسایی ئشناسا.

سکاڵاکارێ تەدا ئۆهلینگ و رونجا ئاچە. بەشێوە بێنێ جە کیانیایاو شاندوو ئاشتیی میاندەوڵەتیی،کە گەرەکشابێ بلا پەی پانیشتوو کوردسانی پەی بەشداریکەردەی جە دماییئاردەی بە هجوومە ئەرەگیرییەکاو دەوڵەتی ئەرەگیروو تورکی،کە یاسا میاننەتەوەییەکێش پاشێلێ کەردێنێ. یاگێ واتەینە ڕۆو ١٢و حوزەیرانوو٢٠٢١ی، بەشداربیێ کیانایەکاو ئاشتی، جە کەمپەینوو وەرگێریی کوردسانینە ڕاو فڕۆکەخانەو دۆسلدۆرفیوە پەی پانیشتوو کوردسانی کەوتێ ڕا. شاندەکە ١٦٠ کەسێ جە ١٤وەڵاتاوە بەمەبەسوو هۆشیارکەردەیوەی گلیرگەو ئەورووپای سەبارەت جەنگوو کوردسانی، هجومەکاو سوپاو تورکی و پاشێلکەردەی یاسا میاننەتەوەییەکا،  ئامێبێنێ و  پەی هامکاریی جە چارەسەروو کێشەو کوردینە بە ڕای ئاشتیانێ کۆشش کەرێنێ. فڕۆکەخانەو دوسڵدۆرفینە، پۆلیسی فیدراڵی ڕەتش کەردەۆ، ١٧ کەسێ جە بەشدارا وەڵاتەنە بلا بەرۆ، سەبەبەکێ بەرێ کەوتێ بۆنەو پەیوەندییەکاو بەینوو ئەڵمانیای و تورکیایوە بیێنێ.

سکاڵاو وەرگێرییکارانە ئاماژە پانەیە کریێنە کە هجووم پەی سەروو یۆگێرتەیی میاندەوڵەتی چەنی گلێرگەی کوردی بە تاوانبارکەردەی قبووڵکریا نییەن.

"قەدەغەکەردەی سەروو کورداوە کاریگەرییش سەروو گرد لاێوە هەن"

سندوقوو یاردەیی یاسایی AZADÎ eV بە ڕەزامەندیی دادگاو ئیدارەو کۆڵنی پەیامێوەش بەرکەرد و داواش وەنەو پۆلیسی فیدراڵیی کەردە، جە ئایندەنە وێشا جە حەر نۆعە قەدەغەکەردەێوە  بەرشییەی جە وەڵاتی بەدوور بگێران. ئاماژە پانەیچە کریان، کە ئی قەدەغەکەردەیێی، جگە جە کوردی کاریگەرییشا سەروو بەشەکای تەریوە هەن.

هەرپاسە سەبارەت بە قەدەغەکەردەیەکا ئانەیچ یاد وزیانۆ، کە چی دمایاوە قەدەغەکەردەی لوای چالاکە سیاسییا، وەڵاتەنە فرەتەر بییەن. ئاخروو مانگەو تەمووزینە گرووپێوە پەنج کەسیێ کە بەرەو شەنگال لوێنێ، فڕۆکەخانەو میونیخینە مردنیێنێ و پەی ماوەو مانگێوە، قەدەغەو لوایبەریشا وەنە کریان، ئی گروپە گەرەکشا بییەن، مەراسیموو١٠یەمین سالەو جینۆسایدوو ئێزدییەکانە شەنگالەنە بەشدارێ با.