داواکاری گردینوو ئامەڎی سەروو ددانیایپۊرەی شایەتحاڵی ئاشکرا، ئومێد ئاکبیک دەسش بە چەنەپەرسایۊیۍ کەرڎەبۍ. چا چوارچوەنە جە ٢٧ نیسانینە سکاڵانامێوەش دژوو ڕۊنامەنویس، محەمەڎ شاه ئۊروچی ئامادە کەرڎەبۍ.

دەقوو ئا تۊمەتانە کە وزیێنی پاڵوو ڕۊنامەنویسی زینڎانیکرای، محەمەڎ شاه ئۊروچ داوا کریان، بۊنەو ئامادەکەرڎەی ٣٥ هەواڵا سزاو ٢٢ ساڵا و ٦ مانگا زینڎانییش ملەرە سەپییۊ.

هاموەخت داڎگای چوارەموو سزا قورسەکاو ئامەڎی، دۊسیەکەش ڕوانەو بەدلیسی کەرد، بۊنەو ئانەیۊ ئۊروچ ئەرەنیشتەو ئا شارەینە.

داڎگای دووەموو سزا قورسەکاو بەدلیس-یچ سکاڵانامەکەش قبووڵ کەرد، کە دلێشەنە تۊمەتەو "ئەندامبییەی جە ڕێکوزیای" ئاڕاسەو ئا ڕۊنامەنویسەیە کریێبۍ، قەراریچا وادەو یوەم ئەرەنیشتەی داڎگای ئاشکرا کەرۊ.

س.ز