دەگېوە شەرای بە چڕی تۊپۋاران کریۊ
دەگېوە مەنتیقەو شەرای سەر بە کانتۊن و عەفرینی، جە تەرەفوو دۊڵەتوو ترکی ئەرەگیریۊ بەچەکی قورس تۊپۋاران کریا.
بەپاو زانیاریەکا، دۊڵەتوو ترکی ئەرەگیری بە هاوەنەو گولۍ تانکی دەگاو شەوارغەی سەر بە مەنتیقەو شەرای عەفرینیش تۊپۋاران کەرڎەن.
حەر بەپاو ئا زانیاریا شەوەی ۋیەرڎەی دېرۍ، جە بنکەکا ئەرەگیراوە جە عەفرین و عەزازۊ، بە زیاتەر جە ٨٠ گولە تانکاو گولە هاوەنە دەگاو شەوارغەی تۊپۋاران کریېنە، هاموەخت بەمەڵامەتوو هجومەکاوە زەرەرۍ مادی فرە وەروو یانەو موڵک و دەگانشینە کۊتەن.
