دەسەو ڕاوەبەری ناوەندو دەم پارتی دەربارەو هرووژمەکەو پەدەکەی پەی سەرو نوێنەرا دەم پارتی هەولێرەنە ئەرەیاونێوە نوویسیاش وەڵاکەردۆ، ماچۆ: "وەرپەرسا پەدەکەی بەزۆرەملێ نوێنەرا ئێمەشا هەولێرەنە بەشێوێوە نایاسایی کیانێنۍ پەی سلێمانی. ئێمە ئینەی بە پاشەکشێوە موینمێ، جە چوارچێوەو دما ڕۆو پەیوەندییە کوردەسانی و ڕێسا دیموکراتیکەکانە، بە خەمگینییۆ تەماشەو ئی نزیکایەتییە خراپەیە مکەرمۍ و ئەوەکۆڵیایش ۋنە مکەرمێ.  ئی هەوڵە کارەساتبارە بەمەعناو تێکدای هەوڵەکا یۆبییەی نەتەوەیین کە چەمەڕاییێ ڕەواو دەیان ملیۆن کوردان".

"ئینە یاسایی و سیاسیی و ئەخلاقی نییا"

دەم پارتی ماچۆ: "گەرەکمانە ئانەیە ویربارمێ، سەرەڕاو گرد ڕەخنێوە و فشارێ و هەڕەشێ دۆڵەتا، پارتەکەما بە سەرمەشقایەتی هەدەپەی پەشتگیریش جە ڕیفراندۆمو سەربەخۆیی پانیشتوو کوردەسانینە کەرڎ. بەدی ئاردەی چەمەڕاییەکا ملیۆنان کوردا، بە قووڵکەردەیۆ سنوورەکا بەینو گەلو کوردی نمەبۆ".  

دەم پارتی جەخت مکەرۆوە کە مشۆم جمېیەرە سیاسییە کوردییەکۍ ڕێز جە پەیوەندییەکا بەینیشا بگێرا و پەنابریۆنە وەرو گفتوگۆی ڕاسەوخۆی، ئامانجو کەردەیۆ ئۆفیسەکەیچما هەولێرەنە پەی ئینەینە، ماچۆ: "بەڵام داخەم نمەشۆ دور وستەیۆ نوێنەرەکاما هەولێرەنە، هرووژمێوەن دژو ئەوەمەڼنەو پەیوەندییەکا یۆبییەی بەینو گەلو کوردی".

داوا ۋنەو پەدەکەی مکەرۆ دەس چی هەڵوێسە نادیموکراتیکاشا هۆرگێرۆ، ماچۆ: " حیچ بەهانۍ یاسایی و سیاسی و ئەخلاقی نییا پەی بەرکەردەی زۆرەملێ نوێنەرەکاما هەولێرەنە. هەرپاسە جەلایەنو ئیدارەو هەرێمو پانیشتوو کوردسانی و پەدەکەیۆ حیچ قسێوە چی بارۆ نەکریێنە".

ئانەی کە پەنەوازا ئەنجام بڎریۆنە

درێژەو ئەرەیاوناکەینە ئانەی کە پەنەوازا بکریۆنە پاسە ڕیزکریان:

"پەنەوازا ڕاگیرییەکۍ وەردەمو نوێنەرا دەم پارتی و هەدەپەی هەولێرەنە دمایشا بێ.

پەنەوازا سڵامەتی نوێنەرە ڕسمیەکاما مسۆگەر بکریۆ.

پێوەس بە ڕێز و بناغەکا یەکسانی وەردەمو ڕای گردینە بە ئاشکرا داوا جە ئیدارەو هەرێمو پانیشتوو کوردەسانی و پەدەکەی مکەرمێ ڕا جە گفتوگۆی نەگێرا".