ھەڤاڵی ڕۆنامەوانما سەید ئەڤران، کە ساڵانێوە فرە جە ئاژانسوو ھەواڵی فورات (ANF)ینە هەرمانەش کەرڎە، وەڵۍ گەشمەرڎەبیەیشەنە پەیامێوەش ئەرەیاۋنابۍ. دما پەیام و سەید ئەڤرانی پی جۆرە بۍ:

"بەرەو گەشتی هەتاهەتایی!

پۍ ئانەی بە گرڎ ساتێوە ژیۋای مانا بەخشیۊنە، پەنەوازش بە کۊشیایۍ گۊرەی هەن. منیچ بۊنەو ئا مانېوە کۊشیایۍ گۊرەم ڕاوەبەرکەرڎ. من کورڎ بېنا و ئشیۍ گەلەکەم ئازاڎ بیۍ. چا مەجالەیچەنە تا دما هەناسەم قەڵەم  و کامێراکەم وست هەرمانە و قسۍ ۋېمم کەرڎە. ئیسە چنەش رشت بووە، چن نەوۍ فاڕیۍ؟ ئانەی مزانووش ئانەنە کە ئێمە ڕۊ دماو ڕۊی زیاتەرۍ بیەیمۍ و گەشەما کەرڎ...

ئێمە جە نەریتوو ئا کەساوە ئامېنمۍ کە فەلسەفەو ''تەنانەڎ جە قەبرەیچەنە بیمۍ ئەرک و ۋېما پۍ ئازاڎیی ئی گەلەیە جابەجێ کەرمۍ" و  کەردەنما بە پیمەرپۍ ۋېما. حەر پۊکەی ئێمە بیەیمۍ و ژیومۍ.

بابام وەختۍ چنی شێخ سەعیدی ھەنگامەش نیا، ئی کۊشیایە دەسش پنەکەرڎ. من نەوەو بابایمەنا، ئا عەلەمۍ هورمگېرتە چنی ڕابەر ئاپۆی و پەکەکەی بەرزینە ڕامگېرتە. جە ئامەڎۊ حەتا خەرزان، جە عەفرین تا قامیشلۆ، جە زاپ تا سلێمانی، جە ورمێ تا مهاباد، جە گرڎ یاگېنە بېنا. ئیسە لېوەم سەرنیشتا، لېوەم ۋەرنیشتا، لېوەم پاننیشت و لېوەیچم ۋەرکەوتا. بە تەمامی بیا بە کورڎسان. ئیتر ملۋېنان کەسۍ ڕاو من گېرانە وەر و درێژە پا نەریتیە مڎا...

چېوۍ فرۍ بېنۍ کە کریۍ ئەنجام دریېنۍ، بەڵام وەخت حەر ئانڎە ڕاش پنەدانی.

جە خێر و وەشینە بیدۍ!"