جە نسێبین و مێردینی جە یانېوەنە ئەرەتەقایۊ ڕۋەشدا. ئەرەیاۋیا کە جە تەقینەوەکەنە ئەنڎامەو یەژاستاری قەدەر ئاجارە گەشمەرڎۍ بیېنە. سەرەڕاو ئانەی خانەواڎەکە جەنازەکەشا ئشناسانۊ، بەڵام جەنازەکەشا نەدریانۊ دەس.
جە یانېوەنە سەرو ڕاو سەرێکانی نسێبینی جە ٢٥و تەمووزینە ئەوەتەقایۊیۍ رۋەشدا. وەختۍ کە پۆلیسو جموجوڵی تایبەتی هورشاکوا سەرو یانەکەی تەقینەوەکە ڕۋەشدا. دماو ئەوەتەقاکەی پۆلیسەکۍ بە شێۋېوە هەڕەمەکی لۋۍ سەرو یانەکەی، چا ٩ کەسېشا گېرتۍ، کە دماتەر بە شەرتەو چەمڎاری داڎوەری ئازاڎ کریېبېنۍ.
ئەرەیاۋیا کە جە ئەوەتەقاکەینە ئەنڎامەو یەژاستاری دەستان (قەدەر ئاجار)ە گەشمەرڎۍ بیېنە.
خانەواڎەکەش پۍ ئشناسایۊ جەنازەو ئاجارۍ جە ٢ۍ ئابینە جە جزیرەو شڕنەخ-یۊ لۋۍ پۍ مێردینی. سەرەڕاو ئانەی خانەواڎەکەش جەنازەکەشا ئشناساوە، بەڵام جەنازەکەشا نەدریاوە دەس. پۍ وشکنای دی ئێن ئەی نمونەو ۋنۍ جە خانەواڎەکەیش هۊرگیریا و دماتەر خانەواڎەو ئاجارۍ گېڵېوە پۍ جزیرەی.
هـ . ش
