جە درێژەو حەوڵە بەردەوامەکاشانە، ئەنجوومەنوو ڕۊجیاروو شاروو مەریوانی، درێژە بە چالاکییە فەرهەنگییەکاش مدۊ و دلێچشنە دەرەو فێرکاریی زوانی هەورامی و جە دما فرسەتیچنە و پەی ئێساڵی و وەڵی  کەردەیۊ بەرەو مەکتەبەکانە، ئەنجوومەنەکە داوا کەرۊ پەی دمایین فرسەتوو ئێساڵی پەی نامنویسوو دەوروەو زوانی هەورامی و ئاشنابییەی زارۊڵا بە زوانەکەی، پەیوەندیی کەرا بە ئەنجومەنەکەیۊ.

یاگۍ واتەینە هەورامییەکۍ چالاکانە ئینۍ خەمواردەیۍ سەرەمڕوو زوانەکەیشانە و هەرکەس حەنناو وێشۊ خەریکوو جالاکین، بەتایبەت وەختۍ کە یونسکۊ تەرسەو فۊتیای زوانەکەیش چند ساڵێچیوەڵتەر وستە ڕووە، دماتەر بۊنەو تۊمارکەردەی هەورامانی جە کولتووری جیهانینە ئیسەنە هەوڵەکۍ ڕووەو ئاوەدانیی فەرهەنگی جیددیتەر کەوتێنۍ ڕا و فرەو چالاکا و شارەزایا ئانەیە ماچا، زوانەکە خەریکا تەرسیش سەرۊ مەمەنۊ و ڕووە ژووژیایۊیۍ نەوعی هەنگامەش نیێنە.

یاگێ:دەفتەروو ئەنجومەنوو ڕۊجیاری، جە ئێدارەو فەرهەنگ و ڕانموونی شاروو مەریوانی

س.ز