دۆڵەتو تورکی هامکات چنی درێژەدای بە هجومە ئەرەگیریاکا پەی سەرو هەرێمەکا پارێزنای مەدیای، ژیۋگەو کوردەسانی تاڵان مکەرۆ. هەرێمو سەرگەلێ یۆن جا یاگا کە جە ئەنجامو بۆمبۋاران کەردەینە بەسەڎان دارێ سۆتێنۍ و جە ڕێخەنە هۆرێکنیێنێ.
سیاسەتو سۆچنای و کاولکەردەی ژیۋگەو کوردەسانی کە جەلایەنو دۆڵەتو تورکیایۆ پەیڕەو مکریۆ، سەڎ ساڵێن بە بێ مردای بەردەواما.
دۆڵەتو تورکی ئەرەگیری کە سەڎ ساڵێن سیاسەتو جەنگی تایبەتی ڕاوەبەر مکەرۆ، هجوم مکەرۆ سەرو گلێرگەو کوردەسانی، ژیۋگە و گرڎو زیندەوەرا جە جوگرافیاو کوردەسانینە.
بەتایبەتی بە شێوێوە دژوار بە بەکارئاردەی چەکی کیمیاویی جە ئۆپراسیۆنو ئەرەگیری پەی سەرو هەرێمەکا پارێزناو مەدیای، جە ژیۋگەو کوردەسانینە کاولکاریێوە درێژخایەن سازمکەرۆ. ئا چەکە کیمیاویۍ کە دۆڵەتو تورکی فاشیستی بەکارشا بەرۆ، سەرەڕاو ئانەی جە پەیماننامە میاننەتەوەییەکانە قەڎەغەکریێنۍ، بەڵام دۆڵەتا بەمەڵامەتو مەسڵەحەتو وێشاوە چەمێشا ئاستو بەکارئاردەی ئا چەکا و تاڵانکەردەی ژیۋگەو کوردەسانیرە وستێنێرە.
هەرێمو سەرگەلێ یۆن چا مەنتیقا کە جە ئەنجامو بۆمبۋارانینە بە سەڎان دارێ سۆتێنۍ و جە ڕێخەنە هورۍ کنیێنۍ.
رۆنامەوانە شنار گۆکتاشە ئا زەرەرە دژوارێ سوپاو تورکی ئەرەگیری جە ڕاو بۆردومانەکەیشۆ بە جوگرافیا و ئیکۆلۆژی کوردەسانیش یاونان، بەبەڵگە کەردێنۍ.
دۆڵەتو تورکی جە سەرگەلێنە پەی ئانەی مێڎانەکا ژیوای گەریلای دلێنە بەرۆ و قەرەقۆڵۍ وەش بکەرۆنە دارسانەکا سۆچنۆ. بڕییەیۆ و سۆچنای دارە سەڎ ساڵیەکا جە هەرێمو سەرگەلێنە تاڵانکەردەی و دلێنەبەردەی ژیۋگەو کوردەسانی بە ڕۆشنی نیشانە مڎۆ.
