دەوڵەتوو تورکی ئەرەگیری ٢ ساڵێن بێمرڎای هجووم کەرۊ سەروو هەرێموو گەشمەرڎە دەلیلوو وەرنیشتوو زاپی.

هێزەکاو دەوڵەتوو تورکی، کە زمسانی ویەرڎەوە تا زیاتەر گورزوو گەریلایشا وەر نەگنۊ، ناچارۍ بیۍ مەیدانەکەنە کێشیاوە.  

هێزەکاو ئەرەگیرا تا چا مەیداننە مەناوە، جارێوە تەر داواو هامکارییشا وەنەو پەدەکەی کەرد.

ئانە ماوێوە فرەن، پەدەکە بەئاشکرا پەشتیوانیی هجوومە ئەرەگیرکارییەکاو دەوڵەتوو تورکی کەرۊ، ئامانجشانە بە هامکاری و پاڵپەشتیی پەدەکەی بارەگای سەروازیی تازە ساز کەرا.

سوپاو تورکی بە هاریکاریی پەدەکەی بەتایبەتی ئینا حەوڵۍ وەشکەرڎەی و کێشتەی ڕێنە بەرەو سەنگەرەکاو گەریلای.

بە پاو زانیارییەکا حەفارۍ ئامیێنۍ و گەرەکشانە سەنگەرەکاو گەریلای وڕنا.  

ئا دیمەنۍ مەیدانەکاوە دەسۍ کەوتێنۍ، هەرمانەکاو وەشکەرڎەی ڕێوەنۍ لاو هێزەکاو دەوڵەتوو تورکیوە، کە جارێوە تەر پەدەکە هامکاری و هامبەشیش چا تاوانانە کەرد.

ئا پەرڎە و وەربەسۍ کە سوپاو تورکی پەی پارێزنایش وەراوەروو چالاکییەکاو گەریلایۊ نیێنێشرە، سەرنجەکا پەی لاو وێشا کێشا.  

دەوڵەتوو تورکی بە پەشتیوانیی پەدەکەی گەرەکشا ئەرەگیری کەرۊ  

ئەنداموو کۊمیتەو ڕاوەبەریی پەکەکەی موراد قەرەیلان سەبارەت بە خیانەتوو پەدەکەی واتەبێش:

"دووژمن تووشوو چەقبەسەی و بەبنبەسیاوای بییەن.  فرەو جارا ئینەما واتەن، چاگە چەقان.نە متاوۊ کۊنتڕۊڵش کەرۊ، نە کێشیۊیچۊ. ساڵەی وەڵینە  بڕۍ مەنتێقا پێسەو کەشوو جودی، ئامێدی و پیرڎۊغانینە کێشیابێوە. ئێساڵ گەرەکش بۍ بۍ و ئا یاگا گێرۊوە، وەلۍ ئی جارەشا پەشتیش بە پەدەکەی بەستە. بە پەشتگیریی پەدەکەی گەرەکشانە ئا یاگۍ کە ساڵەو وەڵۍ کە نەتاواشا گێراشا و دەسمانە بەرشا بارا، گێراشا. هەرپاسە جە مەتینانە- پەی نموونەی هێزەکاو پەدەکەی  کەشێونە پەنەش ماچمۍ ۊرتۍ پشتەو کانی ماسییوە بنێشا وستە.  هامڕێکێما چابێنۍ واتما هەقتا نەبۊ سەرشاوە و ئێمە کێشیایمیوە، وێش کەشەکە درێژا و متاوا لاێشۊ بنۍ وزا. وەلۍ ئێشاڵ دوژمن ئامۍ و  بە هەلیکۊپتەر ١٠٠ مەترۍ ئەولاو ئادیشاوە سەروازێشا نیێر. یانۍ چێروو پارێزگاریی ئادیشانە وەزارە و ملا مەیدانەکا. چند ڕوۍ چێوەڵتەر وەڵا کریابێوە، کە ئا سەروازۍ وەرڎەموو بارەگاو پەدەکەیۊ وینیا، جە ڕای عاسمانییەوە وەزارە. بە سەرمەشقایەتیی پەدەکەی مەنتێقەو چارچەلیوە ئامۍ و سێگرشا گێرت. یانۍ گەرەکشانە هەستیاریی ئێمە بەکار بارا، و پەشت بە پەدەکەی بەسا، مەنتێقەکەی گێرا و بنێش چەنە وزا. یاگۍ دەوڵەتوو تورکی ئینێنە. گەر قەوەت بیۍ ئینەی نەکەرۍ. ئینە نیشانۍ لاوازییشانە. چی ڕێوە ڕاستەوخۊ گەرەکشانە جەنگوو کورد- کوردی ورگیسنا. وێش پەی وێش جەنگ هەن. با ڕای گردین شرۊڤە بکەرۊ، کە ئینە بە چە مانێوەن".