فڕۊکێوە بێفڕۊکەوانی هجوومبەروو دەوڵەتوو تورکی ئەرەگیری نیمەڕۊو ئارۊی دەگاو بۊکریسکانوو سەر بە بناروو قەندیلیش دووۍ جارۍ بۊردومان کەرڎەن.  هجوومەکە دانش دلیڕاسەو دەگێکۍ و بە پاو زانیارییەکا جە ئاکاموو بۊردومانەکەینە ژەنێوە بەنامۍ ئەستیە محەمەڎی و پیېوەیچ بە نامۍ میرزا ئیبراهیمی بە سەختی زامڎارۍ بیېنۍ.

بەپاو هەواڵېوە ڕۊژنیوزی جەوەختوو فاڕایۊیشەنە پۍ نەوەشخانەی ئەستیە محەمەڎە بە مەڵامەتوو سەختی زەخمەکەیشۊ گیانش جە دەسدان جەنازەکەش یاوان پزیشک و داڎوو ڕانیەی.

زامڎارەکەی تەروو هجوومەکەی بریان پەی نەوشخانەی ئینا چېروو چەمڎاری دکتۊرینە. هجوومەکە زەرەری ماددیی فرەیچش بە دەگێکۍ یاونان.

س.ز