گەریلاو هەپەگەی یەلماز ئوزون (تۊڵهەڵدان تەکمان)، کە ساڵەو ٢٠٢٠ سێرتنە هجوومێوە عاسمانیینە چەنی ٥ هامڕایاش گەشمەرڎۍ بیۍ.

بنەیانەکەش هەمان ساڵنە، پەی ئشناسایۊ گەریلا ئوزونی، نموونەو ونێشا دابۍ و ئەنجامەکەش بەرکەوت، چەنی ئانەیچە جەنازەو گەریلاکەی بەزۊر جە قەبرسانوو بێکەسانە بە خاکی ئسپارییا.

دماو یەرۍ ساڵا گەشمەرڎەبییەیش، پێشەوپەڵانوو گەریلا ئوزونی، دلۍ سنڎۊقێوەنە دریاوە بە بنەیانەکەیش.

تاتەو گەشمەرڎە ئیبراهیم ئوزونی ناچار بی پێشەوپەڵانەکەیش سنڎۊقێوەنە ورگێرتۊ و واتش: "کوڕەکەم ساڵەو ٢٠٢٠ گیانش جەدەس دا. ئاوەخت ئامانۍ سێرت و نموونەو ونێم دۍ پەنە، حەرچند ساڵەو ٢٠٢١، ئەنجامەکەیچش بەرکەوت، وەلۍ ئێمە هاگادارۍ نەکریایمێوە، دماو ئانەیە داواکارییما دا جەنازەکەشا دایمێوە".

بنەیانەکە پێشەوپەڵانوو کوڕەکەیشا دلۍ سنڎۊقێوەنەورگێرت و بەرەو تاتۊسوو ئەرزەڕۊمی کەوتۍ ڕا.

جەنازەکە گەڕەکەو باستۊکینە مەنتیقەو تاتۊسینە بەخاکی مسپارییۊ، ئانەیجە زانییان وەڵۍ نیای جەنازەکەینە سەروازەکۍ هەڕەشێشا وەنەو موختاری و مەلاکەی کەرڎێنە، کە نماکەرڎەی سەرشۊ مزگییەکەنە قەڎەغەن".

دەوڵەتوو تورکی بەسیستەماتیک هجووم کەرۊ سەروو جەنازەی و قەبرسانەکا.

عەگید ئیپێک کە ساڵەو ٢٠١٠ پەیوەندییش بە ڕیزەکاو هەپەگەیۊ کەرڎە، ساڵەو ٢٠١٧ جەنگێوەنە گەشمەرڎە بی وبنەیانەکەش ٣ ساڵێن چەمەڕوانیی ئەنجاموو دی ئێن ئەی-یش بێنۍ،  مانگەو نیسانوو ٢٠٢٠ جە پزیشکی داڎوەریی ئامەدینە پێشەوپەڵانوو گەریلاکەی بە نامۍ عەگید ئیپێک-یوە دریاوە دەسوو بنەیانەکەیش. ئەداش حەلیسە ئاکسۊی ئا ڕوە واتش، "چەمەڕوانەو دۊسیێوە بێنا، وەلۍ پاکەتێوەشا سەروو زەمینیوە نیشانە دانۍ واتشا "پێشەکۍ یاوێ". سەرەم سڕ مەن! پێشەوپەڵانوو کوڕەکەیمشا جە ڕاو خەتەو فاڕایۊ (PPT)یوە ڕوانە کەرد، ئیمزام کەرد و پاکەتەکەم ورگێرت و بە سەیارێوە گێڵانێوە یانە".

س.ز