دژوو گۊشەگیری جە ئەرەمەرزیایەکاو یۊبییەی ئەورووپاینە چالاکیی نافەرمانیی مەدەنی لوا ڕاوە
گەنجاو کوردی تا زانیاری بارەو ڕابەروو گەلوو کوردی عەبدوڵڵا ئۊجالانیوە ورگێرا، سەرنجە پەی سەروو گۊشەگیریی ڕەهای کێشا، چالاکیی نافەرمانیی مەدەنیشا کەرد.
گەنجاو کوردی بیناو کۊمیتەو ڕاگێریی جە ئەشکەنجەینە (سی پی تی)، پەرلەمانوو ئەورووپای و داڎگاو مافەکاو ئینسانوو ئەورووپای شاروو ستراسبورگوو فەڕەنساینە، پەی عەبدوڵڵا ئۊجالانی، کە ماوەو ٣ ساڵان هیچ هەواڵێوەش مەزانیۊ، تا زانیارییش بارەوە بزانیۊ و سەرنجە کێشا پەی سەروو گۊشەگیریی ڕەهای، چالاکیی نافەرمانیی مەدەنییشا کەرد.
گەنجۍ دروشمەکاو "بژیوۊ سەرۊک ئاپۊ"یشا واتێوە و داواشا جە سی پیتی، پەرلەمانوو ئەورووپای و داڎگاو مافەکاو ئینسانوو ئەوروووپای کەرد، کە دژوو گۊشەگیریی ڕەهای گنا وۍ و وەرپەرسبییەی وێشا بیاونا یاگۍ.
هەرپاسە ئەرەیاونیا، کە تا ڕابەروو گەلوو کوردی ئازاد کریۊ، مشۊم گرد کەس بەتایبەتی گەنجۍ جە چالاکینە بەرڎەوامۍ با.
پۊلیسوو فەڕەنسای بەمەبەسوو ڕاگێری جە چالاکییەکەی بە گازی هەڵشمج و گازوو بیبەری هجوومش کەرد سەروو گەنجا.
س.ز
