بانگەوازێوەنە ڕێکوزاو چالاکییەکەی داواشا جە گردوو ئازادیوازاو کوردستانی، ئێرانی و جیهانی کەردێنە کە پەی یاونای دەنگوو ناڕەزایەتییشا وەراوەروو زیندانی، ئەشکەنجەی، قەنارەدای و گرد نۊعە  جۊرە پاشێلکاریۍ مافەکاو ئینسانی ئێراننە ڕۊو شەممە سەعات ١٢:٠٠ Tor Brandenburger بەشدارۍ کۊبیەیۊکەی با.

کۊبیەیۊکە لاو گلێرگەو ژەنە ئازاداو وەرکەوتوو کوردستانی (کژار)یوە – بەرلیننە، کانوونوو پەنابەرە سیاسییاو ئێران – بەرلینی، کۊلێکتیۊو ژەنی، ژیوای، ئازادی – بەرلیننە و لوجنەو وەرگێری جە زیندانییە سیاسییا ئێران – بەرلینی ساز کریۊ و بانگەوازەکەنە ئامان: " خوڵکەو گردوو ئازادیوازان، ئەرەمەرزیایا و ڕێکوزیایەکاو ژەنا، تەلەبا، کرێکارا، داواکارا و چالاکا (LGBTQIA)، چالاکاو دژوو ستەمی نەتەوەیی، مافوو ئینسانی، ژیوگە و گلێرگەو کوییری ئێرانی و میاندەوڵەتی سەرانسەروو جیهانینە کەرمێ، پەی بەروستەی هامسۊزی چەنی کۊشیای گەلا ئێراننە دا، بۊ هەڵوەشاندنەوەی سزای قەنارەدای و ئەو سزا سەپێندراوانە، قەدەغەکردنی هەر جۊرە ئەشکەنجە و قامچی ن و ئازادکەردەی گردوو زیندانییە سیاسییا، بەردەوام و پێوە بەیا سەروو جادەکا و ڕا نەدەیمۍ کۊماری ئیسلامی، خەڵکی جە ئێراننە جە مافوو ژیوای و ئازادیی وێشا بێبەش کەرۊ".

دەقوو بانگەوازەکەی:

هاوارما دژ بە زیندانی، ئەشکەنجەی و قەنارەدای بەرزتەر بۊ!

بەرلین، ڕۊو شەممە ٣ی ڤێوریەو ٢٠٢٤، سەعات ١٢

ئازادیوازاو ئێرانی، خەڵکی ئازادوو جیهانی!

بە پاو هەواڵەکا لاو کەمیوە ٩٠ زیندانیۍ مانگەو ژانڤییەو ساڵەو ١٤٠٢ و ساڵەو ٢٠٢٣ لاو کەمیوە ٧٤٦ زیندانیۍ لاو ڕژێمی فاشیستی ئێرانیوە دریێنۍ قەنارە، ئینەیچە بەرزتەرین ڕێژەو ئێعدامی بییەن ئێراننە ماوەو ٨ ساڵی ویەردەینە و لاو کەمیوە ٥٢ کەسۍ چێروو ئەشکەنجەینە کوشیێنێ.  ٣ ڕابەندانوو ساڵەو ١٤٠٢ینە، محەمەد قەبادڵوو و فەرهاد سەلیمی زیندانوو قەزاڵ-حەسارینە شاروو کەرەجینە دریۍ قەنارە و ژمارێوە زیندانیۍ سیاسیۍ و ئایدیۊلۊژیۍ و زیندانیۍ گردینۍ ئیساتۍ ئینۍ تەرسەو قەنارەداینە و تەرسەی  جیددییەشا ئینا سەرۊ.  

جمیەری شۊڕشگێڵنانەو "ژەنی، ژیوا، ئازادی" کە دماو کوشتەی ژینا (مەهسا) ئەمینیێوە سەرتاسەروو ئێرانینە دەسش پەنە کەرد، بەتندی کۊڵەکەکاو حوکمڕانیی ئیسلامییش ئێرانەنە لەرزنۍ و بەردەوامیی ئا جمیەرەیە، کاربەدەساو تاوانکاریی ڕێژیمیش تەرسنێ. پەوکای سەرێعی و هەسی تندوتیژی و ئەشکەنجەی و قەنارەدایشا بە گروو دڕندەییوە زیاد کەردەن و دڕندانە و بێشەرمانە سزاو سەدەو دلێڕاسەو قامچییا وەنەو جەسەو کرێکارا و ژەنە کۊشەرا مدا، کە دژوو حیجابی بەزۊری خەبات کەرا، تا بتاوا ئی جمیەرە شۊڕشگێڵنانەیە بەزنا.  هەرپاسە بە زیادکەردەی شەپۊلەو سەرکوتکەردەی، سانسۊر، خوڵککەردەی، دەسبەسەرکەردەی، سزۍ قورسێ، واوەی دادگاییکەردەی، گرد نۊعە ئەشکەنجە، قامچی، دداننیایپۊرەی بەزۊری و قەنارەدای، و عەزیەتدای بنەیانەو داواکارا، خەڵکی ئازادیوازی ئێراننە گرد لاێوە کەوتەن زاڵە.  

ئێمە، ئەرەمەرزیۍ و لایەنە چەپ، دیموکرات، فێمینیست و کوییرەکێ، کە ئی داوێما ئیمزا کەردێنە، ٣ شوباتوو ٢٠٢٤ ١٤( ڕێبەندانوو )١٤٠٢،  شار و وەڵاتە جیاوازەکاو جیهانینە کوۍ بیمێوە تا بیمۍ بە دەنگوو زیندانییەکا و بنەیانەکاشا و گەلی ستەموەنەکریاو ئێرانی.

با جیهان گۊشش چا دەنگەیوە بۊ و هاوارما دژ بە زیندانی و ئەشکەنجەی و قەنارەدای تا حەرچی زیاتەر بەرزتەر کەرۊوە.

ئێمە خوڵکەو  گردوو ئازادیوازا، ئەرەمەرزیا و ڕێکوزیاکاو ژەنا، تەلەبا، کرێکارا، داواکارا و چالاکا (LGBTQIA)، چالاکاو دژوو ستەمی نەتەوەیی، مافوو ئینسانی، ژیوگەی و گلێرگەی کوییروو ئێرانی و میاندەوڵەتی سەرانسەروو جیهانینە کەرمێ، پەی بەروستەی هامسۊزی چەنی کۊشیای گەلا ئێراننە، پەی ورشانایۊ سزاو قەنارەدای و ئا سزا سەپیایا، قەدەغەکەردەی هەر جۊرە ئەشکەنجە و قامچیدایوەنەی و ئازادکەردەی گردوو زیندانییە سیاسییا، بەردەوام  و پێوە بەیمۍ سەروو جادەکا و ڕا نەدەیمۍ کۊماری ئیسلامی، خەڵکی ئێراننە جە مافوو ژیوای و ئازادیی وێشا بێبەش کەرۊ.

حەر چا ڕووەنە، سەعات ١٣:٠٠بەرلیننە، کۊبیەیۊێوە گەورە دژوو ڕاسیی توندڕەوی و دژوو هێزە ڕەگەزپەرسەکا وەردەموو پەرلەمانوو فیدراڵوو ئەڵمانیاینە (Bundestag) دەس پەنە کەرۊ. داوا جە ئازادیوازا کەرمۍ دمای ئی کۊبیەیۊیە بەشداری جە کۊبیەیۊ گەورەکەینە کەرا.. جەنگوو فاشیزمی، ڕەگەزپەرسی حیچ سنوورۍ مەشناسۊ، ئەڵمانیانە بۊ ئێراننە.

پەی ورشانایۊ سزاو قەنارەدای، قامچیدایوەنەی و قەدەغەکەردەی هەر جۊرە ئەشکەنجێوە

پەی  ئازادکەردەی گرد زیندانیۍ سیاسی-ئایدۊلۊژی

 پەی ژەنی، ژیوای، ئازادی

 وڕۊ کۊماری ئیسلامی ئێرانی!

بژیوۊ ئازادی، یەکسانی و دیموکراسی!

وەخت و شۊن٣ی:ی فێوریەی Tor Brandenburger، سەعات: ١٢:٠٠".