هامسەرۊکایەتیی فەد- گەلی جە ئەرەیاوناێوەنە داواش وەنەو کوردستانییا و دۊساشا کەرڎە، بەشداری جە ٣١ەمین فێستیڤاڵی میاننەنەتەوەیی کولتووریی کوردینە کەرا. واتیچش، فێستیڤاڵوو ئێساڵۍ پێشکەش کریان بە ئەڤین گۊیۍ و میر پەروەری و عەبدولڕەحمان کزلی، کە ساڵەو ٢٠٢٢ پاریسنە تیرۊرۍ کریۍ.  

ئەرەیاونایەکەی پێسەن:

"دەوڵەتە باڵادەسەکۍ پەنا پەی ڕا و رێبازی خراپی بەرا، تا کورڎا جە ڕووەو جەسەیی و کولتووریوە دلێنە بەرا دلۍ وەڵاتەکەیشانە، سەرەڕاو ئا گردوو چێوا کە کوردستاننە ڕووەشا دێنە، کورد دەسبەرڎاروو داواو ئازادیی نەبییەن، گردوو نۊعە قوربانیێوەش دێنە و وێگێرییش کەرڎەن.

دەسبەرڎاروو وێگێری و کۊشیای دژوو مەرگی چەرمەی نەبییەن و لوان حەر یاگێە وێش ڕێک وستەن، گەلی وەڵاتپارێزنوو کوردی حەر یاگۍ لوابۊ، کوردستانش چەنی وێش بەرڎەن.  

تیرۊرکەرڎەی ئەڤین گۊییۍ و میر پەروەری و عەبدوڕەحمان کزلی ساڵەو ٢٠٢٢ جە ناوەندی کولتووریی ئەحمەد کایاینە پاریسنە، جیا نییا جە پڕۊسەو هەوڵدای پەی بۊ دلێنەبەرڎەی کوردی. بەشداریکەرڎەی چا فێستیڤاڵەینە کە پێشکەش کریان بە ئەڤین گۊییۍ و میر پەروەری و عەبدوڕەحمان کزلی، هاگاداربییەن جە کولتوور و شناسنامەو وێتا.

٣١ەمین فێستیڤاڵی میاننەتەوەی کولتووریی کوردی به دروشمی=وو " جه ١٠٠ەمین ساڵڕۊو پەیماننامەو لۊزانینە، چارەسەر پەی کێشەو کوردی، ئازادی پەی عه بدوڵڵا ئۊجالانی، قەوارە پەی کوردستانی" ڕۊو شەممه ٩و ئەیلوولی جە فرانکفۊرتوو ئەڵمانياینە کریۊ.  

ماناتادارتەرین پەیام دژوو ئا هێز و هامپەیمانێتییا جینۊسایدی جەسەیی و کولتووری ملوو کوردیرە سەپنا، یۊبییەی و یەکڕیزی، پێوەبەروستەی داواو ئازادی و ژیواێوە ئازادین. سەروو ئا بنەمۍ ئێمە پێسە فیدراسیۊنوو فەد-گەلی چەمەڕوانۍ گەنجا، ژەنا، ئازادیوازا، ئاشتیوازا، رێکوزیایا و ئەرەمەەرزیایە کولتوورییەکانمۍ، کە بەشداری جە فێستیڤاڵوو فرانکفۊرتینە کەرا".

س.ز