فەدراسیۆنو ئازادی کورڎەسانی جە ۋەرکۆتوو ئەڵمانیای، جە دژو هرووژمە ئەرەگیریەکا دۆڵەتو تورکی ناڕەزایش بەربڕی و ئەرەیاۋناش: داوا جە گەلەکەیما مکەرمۍ مجیارە مېڎانەکا. ڕۆ ڕۆو ۋەرفراوانکەردەی ئەرەکۆشاین دژو فاشیزمی و کۆمکوژیی."
فەدراسیۆنو ئازادی کورڎەسانی فەد -کورد جە ۋەرکۆتوو ئەڵمانیای سەبارەت بە هرووژمە ئەرەگیری و کۆمکوژییەکا دۆڵەتو تورکی ئەرەیاۋنێوەش وەڵاکەرڎۆ.
فەدراسیۆنو ئازادی کورڎەسانی جە بەیاننامێوەنە هرووژمەکۍ دۆڵەتو تورکیش پەی سەرو ۋەرنیشتی و شەنگالی شەرمەزارۍ کەردۍ و ئەرەیاۋنۆش؛ "هرووژمەکۍ دۆڵەتو تورکی پەی سەرو شارەکا ۋەرنیشتی، شەنگالی و هەرێمەکاو پارێزنای مەدیای جە شەوەو ٢٤و ئۆکتۆبەری جارێوەتەر هاموڵاتیۍ مەدەنیۍ کریێنۍ ئامانج. جە ئاکامو ئا هرووژمانە زیاتەر جە ١٠کەسۍ مەدەنیۍ کوشیۍ کە زاوڵەیچشا ئینا چنە و ژمارێوە فرە جە هاموڵاتیۍ مەدەنیۍ زامڎارۍ بیۍ. ناوچە مەدەنییەکۍ و ئەرەمەرزیا تەندروستییەکۍ چا هرووژمانە کریێنۍ ئامانج."
"ڕۆ ڕۆو ۋەرفراوانکەردەی ئەرەکۆشاین"
هەرپاسە جە ئەرەیاۋناکەینە ئامان، هرووژمەکۍ دۆڵەتو تورکی بەشێوەنۍ جە سیاسەتە سیستماتیکە کۆمکوژییەکا دژو گەلوو کوردی، ئی هرووژمە کۆمکوژیۍ ۋەرو چەما گلێرگەی مېیاندۆڵەتیۆ ئەنجام مڎریا، سەرو گردیۆ ویلایەتە یۆگێرتەکا ئەمریکای و وڵاتا ئۆروپای جە ۋەرا ۋەرو ئا هرووژمانە کە خەڵکی مەدەنی مکریۆنە ئامانج، بێدەنگی مرمانا. ئینەیچ بە ماناو هامبەشین جە تاوانەکانە دژ بە مرۆڤایەتی. ئێمە ئی بێدەنگییە قبوڵ نمەکەرمۍ. ئی هرووژمۍ تەنیا دژ بە گەلوو کوردی نییەنۍ، بەڵکم دژ بە گرڎو مرۆڤایەتییا. پۊکەی داوا جە گەلەکەیما و ڕای گرڎی دیموکراتیکی مېیاننەتەوەیی مکەرمۍ کە جە ۋەرا ۋەرو ئی سیاسەتە کۆمکوژییا دۆڵەتو تورکینە دەنگشا هۆربڕا. ڕۆ ڕۆو ۋەرفراوانکەردەی ئەرەکۆشاین دژ بە سیاسەتەکا فاشیزمی و کۆمکوژیی!
