فەجەدەکە – کاوا، ئەرەیاۋنېوەش ۋەڵاکەرڎۊ و ماچۊ: "دماو ۋیەرنای سەڎېوە سەرو پەیماننامەو لۆزانیرە، گەلوو کورڎی و کوردسانی گەرەکشا سەروو هەڕەشۍ قڕکەرڎەیرە زاڵبۊ و ڕۆڵە قەردارەکاش کەرۊ قوربانی پۍ ئی مەبەسیە. پېسە جە تاریخیچەنە بیەن، ئیسەیچ خەتەو خیانەتی درێژە بە ۋېش مڎۊ و بۊ بە ڕایی کەرو سیاسەتوو قڕکەرڎەی دوژمنی. چی ساتە تاریخیەنە، هێزەکۍگەلی مدرامانو و کۊشیایۍ کەم وێنەی تاریخی ڕاوەبەرکەرا. هاموەخت جە کەسایەتی ۋەرپەرسوو پەدەکەی، عەلی عەونینە، واوەی خیانەت ڕووە قیزەونەکۍ ۋېش نیشانە مڎۊ".

جە ئەرەیاۋناکەنە ئامان: "ئێمە ئی نرخنای و حۊڵە خیانەتکارانەیە شەرمەزار کەرمۍ. داوا جە پەدەکەی کەرمۍ، ۋەران ۋەر بە ڕۆڵە بەنرخەکا گەلەکەیما و کۊشیاکەیشا ڕێزدار بۊ، دلۍ یۊبیەی نەتەوەیی و یەکپارچەیی نەتەوەیینە سیاسەت کەرۊ. مشۊم پەدەکە دەموودەس واز جە خیانەتی بارۊ، پەیوەنڎی و هامپەیمانییەکاش چنی هێزە کۆڵۆنیاڵییەکا هۊرشېونۊوە. سەروو ئی بنەڕەتەیە، ئی هەڵوێسە خیانەتکارانەیە شەرمەزار کەرمۍ کە جە کەسایەتی عەلی عەونینە ۋېش نیشانە مڎۊ. داوا جە گەلوو چوار پارچەو کوردسانی کەرمۍ، سەروو خەتەو مدرامانوو نەتەوەیی بە شێۋېوە هامبەش کۊشیای کەرا. داوا جە گەلەکەیما جە ئەڵمانیای و گرڎوو ئەنڎامەکاما کەرمۍ، ۋەران ۋەر پی سیاسەتە خیانەتکاریە هوشیارۍ با و هەڵۋێس هۊرگېرا".

هـ.ش