جە مەراسیمو یاڎکەرڎەیۆ کەینەکە مانت لاژولینە لواڕاوە، ژمارێوە فرە جە کورڎەسانیا کوۍ بیێوە، جە مەراسیمەکەنە ئەرەیاۋییا کە ئەندامو دەسەو فەرماندەیی هەپەگەی ئۆرهان بینگۆل نیشانەش دا کە مشۆم ۋەرا ۋەرو دژمنی و خیانەتینە چ هەڵوێسێوە بگیریۆنە ۋەر.
ئەندامو دەسەو فەرماندەیی هەپەگەی ئۆرهان بینگۆل (عەلی دینچەر) ٦و حوزەیرانو ٢٠٢٤ جە هرووژم و دۆڵەتو تورکی ئەرەگیرینە پەی سەرو هەڕێمەکاو پارېزنای مەدیای گەشمەرڎە بی. پەی یاڎکەرڎەیۆ گەشمەرڎە ئۆرهان بینگۆلی جە شارو مانت لاژولی فەرەنساینە مەراسیمێوە سازکریا.
مەراسیمەکە جە مېیان و جەمەو دیموکراتیکی کورڎینە سازکریا. پەی یاڎکەردەیۆ گەشمەرڎا ئازاڎیی کورڎەسانی، دەیەقێوە بە بێدەنگی مردۍ و دماتەر بەڵگەفیلمێوە سەبارەت بە ژیۋای و ئەرەکۊشای گەشمەرڎە ئۆرهان بینگۆلی نمایش کریا. دماتەر بە نامۍ مېیان و کولتوریی دیموکراتیکی کورڎیۆ قسۍ کریۍ.
جە قسەکانە ئانە وزیا ڕووە کە فەرماندە ئۆرهان خاوەن ئەزمونو ئەرەکۊشای ٣٣ ساڵەی بۍ هەرپاسە ئەرەیاۋییا، "حەقەتینەو جەنگاوەری ئاپۆیی کە بەخشای گرڎ ساتێوە ۋێش پەی ئازاڎیی، وێنا کەرڎ. نیشانەش دا کە هەڵوێس ۋەرا ۋەر بە دوژمنی و خیانەتی مشۆم بە چ شێوێوە بۆ".
ئانەیچ وزیاڕووە کە ئەرکو وڵاتپارێزنا کورڎەسانی بریتیا چانەی کە گۆشەگیری و هرووژمەکا سەرو رابەرو گەلوو کورڎی عەبدوڵا ئۆجالانی بماڕا و ئازاڎیی کورڎەسانی مسۆگەر بکەرا و باس چانەیچ کریا، "تەنیا پی جۆرە متاومۍ خاوەنداری جە گەشمەرڎا بکەرمۍ".
مەراسیمەکە بە واتەیۆ دروشمەکاو "گەشمەرڎۍ نمەمرا" و "بژیۋۆ سەرۆک ئاپۆ" دمایش پنە ئاما.
