دەوڵەتوو تورکی  ئەرەگیری و چەتەکا جە تاوانەکاو جینۊسایدی نەتەوەیینە دژوو خەڵکوو کانتۊنوو عەفرینی ئەرەگیریاینە، بە ئامانجوو تەرسنای و بەرکەرڎەیشا کانتۊنەکەنە و فاڕای دیمۊگرافیاو مەنتێقەکەی، بەرڎەوامێنۍ.

سەرچەمێوە جە کانتۊنوو عەفرینی ئەرەگیرینە واتش، چەتەکاو بە نامۍ 'پۊلیسوو مەدەنی'ی، ژەن و پیاێشا جە دەگاو شێخوتکا-و سەر بە مەنتێقەو مابەتاینە ئڕفانۍ پەی یاگێوە نادیاری، ئا دووە کەسۍ نامێشا 'ئەحمەد سەیدۊ' و 'نەزیرە حەمید محەمەد'نۍ.

ھاموەخت سەرچەمێوە تەری وات، چەتەکاو بە نامۍ 'پۊلیسوو مەدەنی' هاموەڵاتێوەشا بە نامۍ حسێن دلۊی ٢٩ساڵە، دەگاو ھێکێچە-و سەر بە شیۍ کانتۊنوو عەفرینینە ئڕفانێنۍ.

بارەو ئا تاواناوە  عەفریننە کریا، سەرچەمێوە ئەرەیاوناش، چەتەکاو 'حەمزە'ی سەدان دارێشا دەوروبەروو دەگاو کەفر مزێ-و سەر بە مەنتێقەو شەراینە بڕیێنێوە.  

هەمان سەرچەمە واتیچش، چەتەکاو 'سوڵتان موراد'ی، داواو ٢ هەزار دۊلاراشا وەنەو بنەیانەو هۊرۊ حەسەن حسۊی خەڵکوو دەگاو دێرسەوانوو سەر به مەنتێقەو شەرای کەرڎەن، کە یانەکەشا جە چەتەکا ور گێرتەنۊ.

ھەرپاسە سەرچەمێوە تەر واتش، چەتەکاو 'ئەحرار شرقییە'، نویسگەو ورەتەی و سانای یاناشا عەفریننە کەرڎەنۊ و یانۍ کۊچبەرا بە دووۍ هەزارۍ پەی ٤ هەزار دۊلارا ورەشا، هەرپاسە دوکان بە ھەزار دۊلارۍ ساڵێوەنە بە کرۍ مدا.

س.ز