ڕێکوزیاو مافەکاو ئینسانی ئەرەیاوناش، میت و چەتەکێش "ئاسایشی سیاسی" دەگاو دێربەلووتوو سەر بە مەنتێقەو جندرێسوو عەفرینینە ڕۆو چوارشەممەی ورشاکوان سەروو یانا.

ئەرەیاونیا کە ورکوای سەروو یانانە، ئەحمەد محەمەد نور حەبەش ٤٧ ساڵە، مستەفا تاهیر عەبدۆ ٤٥ ساڵە و عومەر ئەحمەد حەنان٢٥ ساڵە ئڕفانیێنێ و نمەزانیۆ پەی کۆی بریێنێ.

ئەرەیاونیایچ کە پۆلیسی سەروازی مەیدانە ئەرەگیریایەکانە پیسەو ئامێروو تاوانی ئەرەمەرزیێنێ، دەگاو سێمالوو مەنتێقەو ڕاجۆینە سەلاح ئەحمەد-ی ٥٠ ساڵەشا ئڕفانان و چارەنویسش دیار نییەن.

سەرچەمە وێمانەکێ ئاماژەشا پانەیە کەرد، کە ٥و ئەیلوولی میتوو تورکی و گرووپە چەتەکێش بە نامێ ئەلشەرقیەی دەگاو مەکانی وارینینە عەفریننە یەرێ کەسێشا ئڕفانێنێ.

ڕۆو ئەرەگیریی عەفرینیوە، نزیکەو ١٠ هەزارا و ٤٠٠ کەسا ئڕفانیێنێ

دەوڵەتوو تورکی جە ٢٠١٨ەنە عەفرینش گێرت و ڕژێموو تیرۆری و تۆقنایش چا شارەنە ئەرەمەرزنان.

بە پاو ئامارەکاو ناوەندوو تۆمارکەردەی پاشێلکارییەکاو مانگەو تەمووزی لاو کەمیوە ٢٨ کەسێ،مانگەو ئایارینە ٣٠ کەسێ و حوزەیرانیچەنە ٤٠ کەسێ ئڕفانیێنێ.

بە پاو ئامارەکاو ڕێکوزیاو مافەکاو ئینسانوو سوریای بەینوو ٢٠١٨ی و نیسانوو ٢٠٣٤ینە لاو کەمیوە ١٠ هەزارێ و ٣٣٢کەسێ ئڕفانیێنێ و ٤٦٣ کەسێ تیرۆرێ کریێنێ.