کۆمیتەو ئامادەکاریی ڤیستیڤاڵوو کولتووری کوردی ئەورووپانە، کە ٢١و ئەیلوولی فرانکفۆرتوو ئەڵمانیاینە مکریۆ، داوا وەنەو گرد لاێوە مکەرۆ دژوو گۆشەگیری قڕکەردەی و سیاسەتەکاو ئەرەگیری بە قوەتۆ بەشدارێ ڤیستیڤاڵەکەی با.
٣٢ـەمین فیستیڤاڵوو کلتوری کوردی ئەورووپانە ٢١و ئەیلوولینە شاروو فرانکفۆرتوو ئەڵمانیاینە مکریۆ، گرد ئامادەکاریێوە پەی ڤیستیڤاڵەکەی کریان.
بە نامێ کۆمیەتی ئامادەکارو ڤیستیڤاڵەکەیوە، ئایتەن کاپلان واتش:" گردوو ئامادەکارییەکا تەمامیێنێ، دەوڵەتی ئەرەگیروو تورکی بە هامکاریی خیانەتوو پەدەکەی، هجوومە ئەرەگیرییەکاش پەی سەرو خاکو کوردسانی و بەتایبەتی پانیشتی فراوانتەرێ کەردێنێ. چا چوارچوەنە ژەنی ئازادێ دلێ ئەرەیاونای ئازادییش کەردێ بە ئامانج، پەوکای پیسەو دەسوەلێوزیی ڤیستڤالەکەی دژوو ئا هجووما مدرمێوە، مێمانداریی کەسە میاننەتەوەییا مکەرمێ، داوا وەنەو گەلەکەیما و ژەنا مکەرمێ بە قەوەتۆ بەشدارێ فیستڤاڵەکەی با."
ئەنداموو کۆمیتەی ئامادەکاروو فیستیڤاڵەکەیچ ئەنفین سەڤەن ئەرەیاوناش گردوو ئامادەکارییەکاو فیستیڤاڵەکەی تەمامیێنێ و واتش: "دژوو ئەرەگیرییەکاو سەروو خاکوو کوردسانی پەنەوازا کۆشیای فرەلاینە بکەرمێ،پەوکای چێگەوە ڤیستڤاڵەکەی پێشکەشوو وێگێراو زاپی مکەرمێ. بە بەشداربییە ڤیستیڤاڵەکەنە پەیاموو پەشتگیری پەی گەریلاکاو ئازادیی کوردسانی ئەوەخوای مکەرمێوە."
'بیمێ بە دەنگوو ڕابەر ئاپۆی'
سەڤەنە ئەرەیاوناش چندین هونەرمەندێ نامێێ کوردی بەشدارێنێ ڤیستیڤاڵەکەنە و واتش:" داوا جە ڕێکوزیایەکاو ئەورووپای، ئازادیوازێ، دۆساما ئەورووپانە و گرد کەسیوە مکەرمێ، با بە دەنگوو گەریلاو ئازادیی کوردسانی و ڕابەر ئاپۆی و دژوو گۆشەگیری و ئەرەگیری یۆی بگێرمێ."
